MAZMUR 50:14 - Susula Malalaok Hehelu Palak Ma Hehelu Beuk

¹⁴ Tunu-hotu tutunu-hohotu makasi neu Manetualain leona, tao matetu emi hehelu-balataam neu Manetualain Fo Mademaina.

MAZMUR 50:14 ပူးပေါင်းရင်းမြစ်များ

AYUB 22:27

Metema, o hule-haladoi soona, neukose nataa o, ma o bisa tao matetu basa o hehelu-balataam lala'en-na.

MAZMUR 147:1

Koa-kio Manetualain leona! Nana malole nanseli koa-kion, ma nandaa soaneu nakamee kokoa-kikiok ba'eneun!

MAZMUR 22:25

Nana Ana ta mete nakadadaek hataholi nanatuni-ndenik-ka fa, ma Ana ta taoafik neu doi-doson-na fa. Ana ta lepos nasadea hataholi ndia fa, tehu namanene, metema noke tutulu-fafalik neun.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 27:6

Besak ia, au sengi musu manai au boboa-kaisung-nga; boema no eeki-natadalek, au tunu-hotu tutunu-hohotu makasi nai Uman; au nau akamee, ma koa-kio Manetualain.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

MAZMUR 56:12

Au amahele neun, de au ta bii-amata'u fa, hataholi daebafak-ka, ta hapu tao hata esa boen soaneu au fa.

MAZMUR 61:8

Sa'di leo been-na ana paleta losa dodoon-na da'di leo manek fo O helen, ou Manetualain, masulu-mahapan nenik O susue-lalaim ma O lilinekam.

MAZMUR 65:1

Soaneu mauli-malanga nakameek-ka. Dauk kokoa-kikiok. Nakameek.

MAZMUR 69:32

Nai Manetualain mata memeten-na ndia nde malole lena tutunu-hohotu sapi mane, ma tutunu-hohotu sapi mane anak.

MAZMUR 76:11

Hataholi palani tatibatu-la boeo, koa-kio O, ma hataholi fo bei namanasa, ana pake si'di kalong, fo da'di ta'du-tana manasusak.

MAZMUR 76:12

Tao matetu o hehelu-balataam neu o Manetualain. Ela leo been-na, basa leoina fo, ala leo deka, leni tunu-hotuk ba'eneu Manetualain fo, nanabii-namata'uk-ka.

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

NAHUM 1:15

Mitak, hataholi nadedenuk esa, ana mai tunga letek-kala, neni hala malole, hala sesengik. Hai leoina Yehuda-la lemin, tao emi fai malolem-ma, ma tao matetu emi hala hehelum neu Manetualain-na. Neukose hataholi managalauk-ka, ta paleta emi nusam-ma so'on. Nana tao nakalulutuk-kasa so.

NAHUM 2:1

Hai Niniwe, mamanene leona! Hataholi fo ana nau tao nalutu o-a, ana mai so! Manea o kota musu mala! Manea enok-kala! Maheheleaom fo matee-mata'ti. (

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ULANGAN 23:21

Metema, emi helu mae, emi fe hata esa leo emi Manetualaim-ma neu soona, no lai-laik, tao matetu emi hehelum ndia, nanahu emi Manetualaim-ma, Ana la'ok nakandoo, fo metema, emi ta tao matetu fan soona, emi masala-masingo.

ULANGAN 23:22

Metema, emi ta tao hehelu-balataak moo Manetualain fa soona, emi ta masala-masingo fa.

ULANGAN 23:23

Tehu metema, emi tao hehelu-balataak moo emi Manetualaim-ma, tunga emi dale hihii-nanau mesam-ma soona, emi muse tao matetun.

ULANGAN 23:24

Metema, emi la'ok tunga hataholi fe'ek osi angol-na soona, emi bole mi'a angol boak su'di bebe'ik-ka, tehu boso ho'i meni.

1 TESALONIKA 5:18

Nai basa dede'ak lala'ena dalek, ela leo been-na emi moke maksai neu Manetualain, nana tatao-nono'i leondia ka nde, Manetualain nau emi tao-no'i nana; nana maso'da da'di esa moo Lamatuak Yesus so.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.