MAZMUR 50:1 - Susula Malalaok Hehelu Palak Ma Hehelu Beuk

¹ Asaf kokoa-kikion. Manetualain Fo Manakoasa, kokolak nae, Naloo bou-bou neu daebafak-ka lala'ena, neme dulu losa muli.

MAZMUR 50:1 ပူးပေါင်းရင်းမြစ်များ

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

1RAJA-RAJA 18:21

Boema Elia neu deka no laun sila-la de nafa'das nae, “Emi dalem-ma naba'e nahele losa faihi'da? Metema Amak ndia Manetualain soona, sene-do'ok Manetualain leona! Metema Baal-la ndia Manetualain soona, sene-do'ok Baal-la leona!” Laun mana lakabubua lai ndia, ka'da bedenge.

1 TAWARIKH 15:17

Nai manamakameek sila-la teidalen nala dalek, ala hele hataholi-la fo lakaminak simbal liti nde ia: Heman, fo Yoel anan na sama-sama no tolano ka'a-fa'din fo mana'de Asaf fo Berekhya anan na, ma Etan fo Kusaya neme teidale-bobongik Merari anan na. Soaneu manatungas ala boema manamakaminak kecapi fo lii na nai lain, hataholi Lewi fo nanahelek kala nde ia: Zakharia, Yaaziel, Semiramot, Yehiel, Uni, Eliab, Maaseya, ma Benaya. Soaneu manamakaminak kecapi fo lii na nai dae, hataholi Lewi fo nanahelek kala nde ia: Matica, Elifele, Mikneya, Azazya, ma manamanea Manetualain Uman na, hataholi dua, fo nde: Obed-Edom ma Yeiel.

1 TAWARIKH 16:37

Basa boema Manek Dauk ka fe bela-ba'uk neu Asaf ma hataholi Lewi fe'ek kala soaneu ala ito-ato lahele basa hata fo natutik no makaluku-makatele a nai mamanak fo nai bee Manetualain Peti Hehelu-balataan nanape'dak. Tunga faik sila muse tao bela-ba'uk lai ndia,

1 TAWARIKH 25:2

Asaf anatoun haa, fo nde: Zakur, Yusuf, Netanya ma Asarela. Sila mauli-malangan nde Asaf, fo nanduku-nalosak hala heheluk neme Manetualain mai, metema manek-ka nadenun.

1 TAWARIKH 25:6

Basa Heman anan sila-la lakaminak musik simbal, kecapi ma gambus fo sila aman nde nauli-nalanga soaneu lakamee tunga nai feta makaluku-makatele nai Manetualain Uman. Asaf, Yedutun ma Heman hapu bela-ba'uk nandaa no natutu'duk neme manek-ka mai.

1 TAWARIKH 6:24

Tahat, Uriel, Uzia, Saul.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

MAZMUR 113:3

Manetualain na'den-na, muse nanakoa-nanakiok neme dulu losa muli.

MAZMUR 73:1

Asaf Kokoa-kikion. Tete'ek-ka, Manetualain malole ba'eneu anan-nala, ba'eneu hataholi fo, dalen-na neuisik.

MAZMUR 74:1

Asaf nakamee nanoli nafa'da. Ou Manetualain, O la'oela ami losa dodoon-na do? Tao le'e de, O mamanasa makandoo O anam-mala?

MAZMUR 75:1

Soaneu mauli-malanga nakameek-ka. Tunga nakameek: Boso tao mamopo-mamate. Asaf Kokoa-kikion. Nakameek.

MAZMUR 76:1

Soaneu mauli-malanga nakameek-ka. Nenik kecapi liin-na. Asaf Kokoa-kikion. Nakameek.

MAZMUR 77:1

Soaneu mauli-malana nakameek-ka. Tunga Yedutun. Asaf Kokoa-kikion.

MAZMUR 78:1

Asaf nakamee nanolin-na. Hai au leoina-la lemin, mamanene au nanoling-nga, ma taoafik neu au dede'a-kokolang.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

MAZMUR 81:1

Soaneu mauli-malanga nakameek-ka. Tunga nakamek: Gitit. Neme Asaf mai.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

MAZMUR 83:1

Asaf Kokoa-kikion: nakameek esa.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MATEOS 25:32

Neukose nalo nakabubua basa leoina lala'ena neu mata na. Boema Ana ta'da ba'es neu bubuak dua, sama leo mana foo a ta'da fe'e bi'ilopo neme bi'ihii ka mai.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!