MAZMUR 5:6 - Susula Malalaok Hehelu Palak Ma Hehelu Beuk

⁶ O ta makatatakak mete hataholi manakoao-ndaeaok-ka fa, O ta mahiik hataholi manatao tatao-nono'i mangalauk-ka fa.

MAZMUR 5:6 ပူးပေါင်းရင်းမြစ်များ

KEJADIAN 34:14

Ala lafa'da hataholi ka duak sila-la lae, “Ami ta nau ami fa'dim-ma sao hataholi fo ta nanasunat fa.

2 SEMUEL 16:8

O loso-ma Saul nusan-na! De besak ia, Manetualain huku o, nanahu o taomisa Saul tolanoo ka'a-fa'din makadotok nanseli so. Manetualain fe heni o nusam-ma leo o anam Absalom neu so. Besak ia, nduada ndalak muu leon, hai kanisak-konei!”

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

MAZMUR 11:5

Manetualain fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

MAZMUR 4:2

Ou Manetualain, O nde bee-na, au mana masala'eng-nga; metema, au aloo bou-bou soona, mataa leona. Lelek au susa, O tulu-fali au; besak ia, sue-lai au, ma mamanene au huhule-haladoing.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.