MAZMUR 5:12 - Susula Malalaok Hehelu Palak Ma Hehelu Beuk

¹² Sa'di leo been-na, basa hataholi fo, lasulu-lahapa leu O-a, lamahoko-setelee ma eeki-latadale losa dodoon-na. Masulu-mahapa hataholi manasue-lai O-a, fo ela lamahoko hu kande O.

MAZMUR 5:12 ပူးပေါင်းရင်းမြစ်များ

MAZMUR 112:1

Koa-kio Manetualain leona! Maua-manalek ba'eneu hataholi kamahehelek fo nahii Manetualain paletan-nala.

MAZMUR 115:13

Neukose Ana fe hataholi kamahehelek-kala, baba'e-papalak, nau ana do matua boe.

MAZMUR 118:15

Eeki sesengik-ka, nananamanenek nai anan-nala lalaa teman-nala nae, “Manetualain tao tatao-nono'i matuaina-la!

MAZMUR 119:132

Lepos masale leo au mai, fo sue-lai au, sama leo O sue-lai hataholi manasue-lai O-a.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 3:3

Hapu makadotok lafa'da lae Manetualain ta nau tulu-fali au fa.

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

MAZMUR 32:10

Hataholi masala-masingok-ka, susa-soe makadotok, tuni-ndeni la'en; tehu hataholi fo, namahena neu Manetualain-na, Manetualain susue-lalain nasulu-nahapa nahelen.

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

MAZMUR 68:4

Tehu hataholi manatao malole-a, namahoko-setelee, ala eeki no namahokok nai Manetualain matan.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.