MAZMUR 5:10 - Susula Malalaok Hehelu Palak Ma Hehelu Beuk

¹⁰ Nana au musung-nga hala-kokolan, ta hapu nananamahelek fa; sila dalen-nala henuk no tutu'u eno mangalauk. Sila hala-kokolan makeek, tehu sila dalen-na, henuk no kaboo-kabalik.

MAZMUR 5:10 ပူးပေါင်းရင်းမြစ်များ

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

2 SEMUEL 17:14

Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

MAZMUR 10:15

Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

MAZMUR 107:11

nana ala ta nau la'ban Manetualain paletan-na, ma ta taoafik neu Manetualain Fo Mademaina, paletan-na fa.

MAZMUR 17:13

Fo'a leon, ou Manetualain, la'ban au musung-ngala, fo tao makalas leon-na. Soi-tefa-mala au, nenik O tafainam-ma, neme hataholi mangalauk-kala mamain-na

MAZMUR 31:18

Ou lamatua daebafak, boso po'ilotak au hapu mamaek, o Manetualain, nana au aloo bou-bou neu O. Nemen-na fo hataholi mangalauk-ka nananakamamaek, ma no denge-dengek, ana kona leo hataholi manamatek-ka, daebafan-na neu.

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

MAZMUR 55:15

Makahulun-na, ita leo-tapalasa no malole, ma biasa sene-do'ok sama-sama nai Manetualain Uman.

MAZMUR 66:7

Ana paleta no makadelek losa dodoon-na. Ana maku leoina-kala, fo ela malena langa-masa'ba sook-kala ta hapu koao-ndaeao soaneun fa

MAZMUR 71:13

Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

MAZMUR 79:12

Ou Manetualain, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

DANIAL 9:9

O henuk no do'o do ampon ma susue-lalaik, leomae ami la'ban basa O so.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

1 KORINTUS 3:19

Nana daebafa ka nafa'da nae manatee tenok soona, manatee tenok ndia nggoak tunga Manetualain mata memete na. Nana nai Susula Malalaok dale nanasulak nae, “Manetualain nakahihi'ik hataholi manatee teno kala ninik sila malela na.”

ULANGAN 2:30

Tehu Mane Sihon-na ta fe ita loak la'ok tunga ndia nusan-na fa. Emi Manetualaim-ma fen nalanga batu, ma dalen-na natea, fo ela ita hapu sengin. Ita bei tangatuu-ta daen-na losa besak ia.

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.