MAZMUR 48:9 - Susula Malalaok Hehelu Palak Ma Hehelu Beuk

⁹ Sama leo hata fo ita tamanenen, de besak ia ita titan nai Manetualain Fo Manakoasa kotan-na. Kota ndia nde been-na, ita Manetualain Kotan-na, Nasala'en losa dodoon-na.

MAZMUR 48:9 ပူးပေါင်းရင်းမြစ်များ

1RAJA-RAJA 10:6

Boema nafa'da Mane Salomo nae, “Basa hata lala'en fo au amanenen nai au nusa-namong la'eneu Tuan, memak tete'ek-ka!

1RAJA-RAJA 10:7

Makahulun-na au ta nau amahele fa, tehu lelek au mai de au ita basa-basan nenik au mata nga, besak-ka au amahele. Tunga ndoon-na basa hata lala'en fo au amanenen sila-la, beita ba'e duak neme hata fo au itan besak ia fa. Te se'kona Tuan manatee tenon-na, ma su'i-beten ba'ulena nanseli neme lafa'dan neu au.

MAZMUR 104:34

Ela leo bee-na, au nakameeng-nga, nandaa no dalen-na, nana Ndia nde tao nanahoko au daleng-nga.

MAZMUR 26:3

Au afandele O susue-lalaim tataas esa, ma au lilineka ahele neu O.

MAZMUR 40:10

Nai O anam-mala makaluku-makatelen-na dalek, au tui-benga hala malole-a ae O soi-tefam-mala ami so. Au ta hahae, tui-benga dede'ak ndia fa, O bubuluk basa sila-la, ou Manetualain.

MAZMUR 87:5

Ba'eneu Sion soona, neukose hataholi-a nafa'da, nae basa leoina fo, ala masok lai ndia laun-na dalek, ma nae Manetualain Fo Mademaina, neukose tao natea-nahelen.

KIDUNG AGUNG 1:4

Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”