MAZMUR 46:6 - Susula Malalaok Hehelu Palak Ma Hehelu Beuk

⁶ Manetualain leo nai naa, hu ndia de, neukose kota ndia ta nakalulutuk fa; neukose Ana tulu-falin, nai lelek le'do-a tii.

MAZMUR 46:6 ပူးပေါင်းရင်းမြစ်များ

2RAJA-RAJA 19:34

Neukose, Au asala'e ma Au asulu-ahapa kota Yerusalem-ma, hu kande Au na'deng-nga, ma hu kande, Au hehelu-balataang no Au atang Dauk.’ ”

2TAWARIKH 20:1

Teuk de'ubee makabuin-na boema Moab ma Amon solda'dun-nala sama-sama loo solda'du Meunim-mala sapu-la Yehuda.

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

MAZMUR 18:13

Ko'as, u'da eis, ma ha'i-a, ala kalua leme ndelas manai matan-na mai.

MAZMUR 68:33

Makamee ba'eneu Manetualain leona, hai basa nusak-kala lemin, makamee nakamee kokoa-kikiok ba'eneu Manetualain,

MAZMUR 68:8

Ou Manetualain, lelek O hela-nole O anam-mala, la'ok tunga mook fo, oe ta ndia fa,

MAZMUR 97:5

Letek-kala, noehenis de ala faa sama leo lilik-ka, nai Manetualain matan-na, nai Manetualain fo, manakoasa daebafak-ka lala'ena, matan.

YESAYA 31:5

Sama leo manupui-a, nakapepela li'dan-na, nai ndunun lain, soaneu nasulu-nahapa anan-nala, leondiak boe Au, Manetualain Fo Manakoasa, neukose asulu-ahapa, ma asala'e, ma soi-tefa Yerusalem.”

YESAYA 33:20

Makanae kota Sion, mamanak fo ita tao feta agama. Makanae Yerusalem leona! Mamanak ndia nee-nee lino-linok nanseli, soaneu leo nai ndia, sama leo lalaa temak fo, beita nanalali heok nita fa, ai papakun-na beita nanafe'ak henik nita fa, ma talin-na, beita ketu nita fan.

YEREMIA 25:30

Basa hata fo Au afa'dan neu o-a, hai Yeremia, muse o manduku-malosak-kana. Mafa'da meus mae, ‘Manetualain halan-na nakapepela neme nusa so'dak-ka mai; ana nasanggunggulu la'ban Anan-nala neme mamana leleon fo malalau-malalafuk-ka. Basa laun manai daebafak-ka lamanene Ana naka'di-nakau sama leo manamaue-maosak fo manake'e anol nai mamanak kaka'bik-ka.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

AMOS 1:2

Dede'ak fo Amos nafa'dak-ka nde ia, “Manetualain nangao sama leo singa neme Pupukuk Sion-na mai, Halan-na nadodolo sama leo ta'tas-sa neme Yerusalem mai. Moo mana'uk-kala da'di na'u tak, na'u manai Lete Karmel-la lamatu tongo.”

AMOS 9:13

Manetualain nafa'da nae, “Neukose fain-na losa, gandum-mala moli no lai-laik, nalosa fai ketu-koluk-ka tuti-nato. Neukose ai angol-la moli makadotok nanseli, nalosa hataholi-a ta hahae tao angol fa. Neukose oe angol-la titi neme letek-kala, ma neme pupukuk-kala mai.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

YOSUA 2:11

Ami mamanene tutuik ndia tu'tik-ka ami bii manseli. Ami hataholim-mala, mopo palanin-nala, nanahu emi. ManetualainManakoasa, fo emi Manetualaim-ma, tete'ek-ka, Manetualain Fo Manakoasa nai lalai ma daebafak-ka.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

YOSUA 2:9

de nafa'das nae, “Au bubuluk, Manetualain fe basa emi nusak ia so. Basa hataholi manai ia-la, ala bii emi.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.