MAZMUR 46:10 - Susula Malalaok Hehelu Palak Ma Hehelu Beuk

¹⁰ Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 46:10 ပူးပေါင်းရင်းမြစ်များ

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

2RAJA-RAJA 19:12

Nai lelek, au bei-ba'i kaing-ngala tao lakalulutuk kota Gozan, Haran ma Rezef-pa, boema ala taolisa hataholi Eden fo manaleo lai Telasar-ra, sila lamatua daebafan-nala ta hapu esa boen, soi-tefa-na sila fa.

2RAJA-RAJA 6:23

Boema mane Israel-la, tao fes feta matuaina. La'a-linu basa boema, nadenus fali le'us leo mane Siria leu. Mulai neme ndia mai, hataholi Siria-la, ala haha'e sapu-la nusa Israel-la.

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

MAZMUR 21:13

Neukose ana kou kokou isin-na, nalosa ala lepos lasafali, fo lalai.

MAZMUR 37:15

Tehu hataholi mangalauk-ka, neukose tafainan-na, pau seluk-kana, sila kou-koun-na, neukose nanatao nala'dik.

MAZMUR 57:5

Musu-a nakahapi-na au, sila sama leo singa mana'a hataholi. Nisin-nala, sama leo tee ma kou-kou isik-ka, maan-nala sama leo tafaina matane.

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YESAYA 5:16

Tehu Manetualain Fo Manakoasa natu'du matua-mademan nenik Ana tao hata fo ndoos. Neukose natu'du malalao-malalafun, nenik naketu-nala'di leoinan-na.

YEREMIA 49:35

Manetualain nafa'da nae, “Neukose au tao isa hataholi manakou malelak-kala fo Elam namahehenak-kala.

YESKIAL 30:8

Metema Au hotuheni Masir, ma Au taoisa la'iesak hataholi manalook-kana soona, besak-ka ala bubuluk, lae Au nde Manetualain-na.

YESKIAL 38:23

No enok ndia, neukose Au atu'du neu basa leoina lala'en-na, ae Au ia matua-madema, ma malalao-malalafuk. Soona besak-ka ala bubuluk, lae Au nde Manetualain-na.”

YESKIAL 39:3

Nai ndia, neukose Au fepa kokoun-na, losa tu'dahenin neme lima kiin-na mai, ma Au tao atu'daheni kokou isin-nala neme lima konan-na mai.

MIKHA 4:3

Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

HABAKUK 2:20

Manetualain nai Uma malalao-malalafun dale. Ela leo been-na basa hataholi manai daebafak-ka, ta hala nai matan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

YOSUA 11:6

Manetualain nafa'da Yosua nae, “Boso bii hataholi sila. Balahaa, nai fain-na sama leo iak soona, o taomisa la'iesa kasa, hu kande Israel. Muse o tao la'di ndalan-nala ein-na, ma muse o hotu heni, kaleta musun-nala.”

YOSUA 11:9

Yosua tao hataholi sila-la, nandaa no Manetualain paletan-na so; ana tao la'di ndalan-nala ein-na, ma ana hotu heni kaleta musun-nala.

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,

SEMUEL SUSULAK-KA ESAN-NA 2:4

La'di heni palani tati batu-la kou-koun-na so, tehu hataholi tapandoes-sa, boetai balakaik.