MAZMUR 45:2 - Susula Malalaok Hehelu Palak Ma Hehelu Beuk

² Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MAZMUR 45:2 ပူးပေါင်းရင်းမြစ်များ

MAZMUR 21:6

Hu kande O tutulu-fafalim, de ana da'di hataholi nanafe ha'da-holomata nanseli, O taom-man da'di nananita-nalelak, ma na'den-na naboomeni.

AMSAL 22:11

Hataholi fo ana sue-lai dale ndoos-sa, ma hala-kokolan makeek-mamina soona, neukose, ana da'di manek-ka tia-lain.

AMSAL 5:2

fo ela o bubuluk, tao leo beek fo, o muse ito-ato o aoinam-ma, ma kokolak da'di leo hataholi malelak.

KIDUNG AGUNG 2:3

Sama leo ai apel-la nai ai manai nula dale-la tala'da, leondiak boe, au inana susueng-nga nai basa touanak-kala tala'da. Au amahoko au sulu nai huun-na, boan-na makeek nanseli.

YESAYA 33:17

Neukose fain-na losa, emi mita manek fo, ana paleta nusan fo, natabaa leo basa mamanak lala'en-na, no namahokok.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

MATEOS 17:2

Ala losa lete ka poi na boema Yesus mata-panan nasafali; mata-panan nangale'do sama leo le'do a, ma papake-ngganggaon fula mangadilak.

LUKAS 4:22

Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 7:46

Boema hataholi sila la lae, “Waa, beita la'iesa boen, fo hapu hataholi ana kokolak sama na leo Hataholi ndia kokola na fa!”

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.