MAZMUR 45:11 - Susula Malalaok Hehelu Palak Ma Hehelu Beuk

¹¹ Hai ina maneana nei, mamanene au dede'a-kokolang, boso mafandele o leoinam-ma, ma o tia-laim-mala.

MAZMUR 45:11 ပူးပေါင်းရင်းမြစ်များ

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 45:6

O kou-kou isi matanem-ma, ana tola o musum-ma bade'en-na, leoina-na tu'u leu nai o ei tata'bu daem-ma.

MAZMUR 95:6

Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

KIDUNG AGUNG 1:8

Masa bole o ta bubuluk mamanan-na fa hai anafe'oanak manai inak-kala tala'da? Tunga ka'da bi'ilopo bubuak-kala ei mamanan-nala, ma foo o bi'ihiim-mala nai deka noo manafoo-la ofun-na.

KIDUNG AGUNG 2:14

Ou au manupui kaluang manai batu lelak-kala, nai mamana nafunik manai masakakalak madema-la, nemen-na, fo au ita o mata-panam, ma amanene o halam-ma, nana o mata-panam makeek ma o halam-ma lolen-na seli.

KIDUNG AGUNG 2:2

Sama leo bunga tale nai makatema dila-nggauk tala'da, leondiak boe, au inana susueng-nga nai basa anafe'oanak-kala tala'da.

KIDUNG AGUNG 4:7

O mana'ahiik manseli au susueng-ngo, ta hapu bu'u-ba'ek nai o fa.

KIDUNG AGUNG 6:4

O mata makeek fa'ding-ngo makeen-na sama no kota Yerusalem-ma mana'a hiin-na sama no kota Tirzah-sa. O mata makeem-ma anseli, sama leo solda'du-la loo dedeo matua-mademan-nala.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

LUKAS 24:52

Ala sene-do'o kana, basa boema ala fali le'us leo Yerusalem no dale namahokok nanseli,

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

ROMA 14:9

Kristus mate de naso'da falik so. Hu ndia de Ana da'di Lamatuak soaneu hataholi maso'da kala ma soaneu hataholi manamate basa kala boe.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,