MAZMUR 44:4 - Susula Malalaok Hehelu Palak Ma Hehelu Beuk

⁴ Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

MAZMUR 44:4 ပူးပေါင်းရင်းမြစ်များ

MAZMUR 111:6

Ana natu'du basa koasan-na neu anan-nala, nenik Ana fes leoina-la dae pusakan-nala so.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 74:12

Ou Manetualain, neme makasososan mai-a, au maneng-nga nde O, O nde soi-tefa-mala ami-a.

MAZMUR 89:18

O fe ami sesengik matuaina, hu kande O dale malolem-ma, de ami sengi.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

MARKUS 1:31

Boema Yesus neu leo Simon alina na neu de Ana ho'u na lima na boema hela nafofo'an. Tutika sumai na mopon, boema ana fo'a de nalalau-naoonos.

MARKUS 1:41

Yesus dale na tu'da neu hataholi ndia de nafaloen ma nafa'dan nae, “Au nau de hai leona!”

MARKUS 9:25

Lelek fo Yesus nita hataholi makadoto kala mulai mai lakamomotu boema, Ana paleta dula dale mangalauk ndia nae, “Dula dale pakek ma hala ta konei, Au paleta o, kalua meme ni'iana ia dalek mai, fo boso boe fali seluk leo ni'iana ia aon dale mai makandondook bai!”

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

YOSUA 24:12

Nai lelek emi tutulumatak fo mata'ti moos boema, Au tao-alas lapangamak ma ala bii, nalosa Amori manen ka duak sila-la, lalai leme emi mai. Emi sengi, ta hu kande emi tafainam-ma, ma boeo ta hu kande emi kokoum-ma fa.