MAZMUR 44:3 - Susula Malalaok Hehelu Palak Ma Hehelu Beuk

³ O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 44:3 ပူးပေါင်းရင်းမြစ်များ

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

2TAWARIKH 20:7

O nde ami Amam Manetualaim. Lelek O anam-mala, fo leoina Israel-la, mai leo nusak ia mai, O usiheni hataholi-hataholi fo nai lelek ndia ala leo leme ia. Boema O fe nusak ia neu O tia-laim Abraham tititi-nonosin, fo da'di sila dae-oen losa dodoon-na.

MAZMUR 111:6

Ana natu'du basa koasan-na neu anan-nala, nenik Ana fes leoina-la dae pusakan-nala so.

MAZMUR 17:7

Matu'du O susue-lalaim fo, matua-mademam-ma nana O soi-tefa-ma, hataholi fo nasulu-nahapa neu O, Nai O boboam-ma, ala hapu nee-nee lino-linok, neme musu-a mamain-na.

MAZMUR 20:6

Boema ami eeki-matadale nanahu o sesengim-ma, ma ami so'uk dedeo-la, soaneu koa-kio ita Manetualain. Ela leo been-na Manetualain sipok basa o nonokem lala'ena.

MAZMUR 4:6

Tunu-hotu tutunu-hohotuk no matetuk ma mamahele neu Manetualain.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 74:11

Tao le'e de, O ta tulu-fali seluk ami fa? Tao le'e de, O po'i O limam-ma neme ami mai?

MAZMUR 77:15

O nde Manetualain, fo manatao manada'di beuk-kala, O mafa'da basa O koasam-ma, nai leoina-la, tala'da so.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

MAZMUR 80:16

Soi-tefa-ma, O anam fo, sama leo ai angol fo, O sele matam so, ma angol pe'duk-ka, O taom-man da'di balakaik.

MAZMUR 80:9

O anam-mala, sama leo ai angol fo, O laliheok-kana neme Masir mai. O usiheni leoina fe'ek-kala, boema O sele ai ndia neu sila nusan-na.

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

BILANGAN 14:8

Metema Manetualain sue ita soona, neukose no ita leo naa teu, fo Ana fe dae kamasu'ik ma maoe-maisik ndia leo ita mai.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

YOSUA 24:12

Nai lelek emi tutulumatak fo mata'ti moos boema, Au tao-alas lapangamak ma ala bii, nalosa Amori manen ka duak sila-la, lalai leme emi mai. Emi sengi, ta hu kande emi tafainam-ma, ma boeo ta hu kande emi kokoum-ma fa.

YOSUA 3:10

Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so