MAZMUR 40:5 - Susula Malalaok Hehelu Palak Ma Hehelu Beuk

⁵ Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

MAZMUR 40:5 ပူးပေါင်းရင်းမြစ်များ

AYUB 26:14

Tehu basa sila-la, ka'da ta'du-tana neme koasan-na mai; ka'da namakukutuk esa, fo ana losa ita di'idoon-na. Ita malelan-na, ka'da faaanak mesan, la'eneu Manetualain ma koasa matuainan-na!”

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

AYUB 9:10

Ita ta bisa tai-dodoo talelak, tatao-nono'in lala'en-na fa, ma ita ta hapu leke tala manada'di beun-nala fa.

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

MAZMUR 139:6

Deman-na seli ba'eneu au, la'eneu O malelam ndia, au dudu'a-aafing, ta losa fan.

MAZMUR 71:15

Nai fai katemak esa dalen-na, neukose au tui-benga O tatao-nono'im fo ndoos ma matetuk-ka, ma so'da-molek maneme O mai, ta hapu leke nala fan

MAZMUR 73:28

Tehu ba'eneu au soona, malole-na seli, au nai Manetualain boboan-na, Au tao Manetualain, da'di au mamana nasulu-nahapang, fo ela au hapu tui-benga tatao-nono'in lala'ena.

MAZMUR 92:5

Nana O tatao-nono'im tao namahoko au daleng-nga, au akamee no namahokok, nanahu O tatao-nono'im.

KELUARAN 11:8

Mate'en-na, Musa nafa'da nae, “Basa au Ama Maneng-nga, manapaletan-nala, neukose ala mai, fo ala sene-do'ok leu au matang-nga, ma loke fo ela au ma au leoinang-nga la'oela nusak ia. Basa ndia soona, neukose au la'o.” Boema Musa la'o ela manek-ka no namanasa nanseli.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.