MAZMUR 39:6 - Susula Malalaok Hehelu Palak Ma Hehelu Beuk

⁶ O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 39:6 ပူးပေါင်းရင်းမြစ်များ

AYUB 14:1

Mulai neme hataholi ndia bongin mai-a, aon-na manandole-ndakuk, ma be'i-balakain ta; So'dan-na keke'uanak, boema henuk no doidosok-ka.

AYUB 7:16

Au sota-mangu, ma pela-malua au aso'da; au hii mate leona! Po'ilotak au, nana au so'dang-nga, sosoa-ndandaan ta.

AYUB 7:7

Mafandele leon, ou Manetualain, te au so'dang-nga, ka'da ani hahaek esa mesak-kana; mopo au ua-naleng, de ta la'oela leen-na fa.

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

MAZMUR 144:4

Hataholi daebafak ndia, sama leo ani hahaek esa, sama leo salaok, fo mopok-kana, soona, hataholi daebafak-ka, so'dan-na leondiak.

MAZMUR 89:48

Mafandele au, te au so'dang ia, keke'uanak nanseli, O makadada'dik hataholi daebafak-ka, da'di leo mahahaek fo, manasapu-manalalok.

AMSAL 13:22

Hataholi malole-a, ana ba'e hata-heton neu upu-anan; tehu hataholi masala-masingok-ka su'i-beten nanape'dak, soaneu hataholi fo, so'dan-na ndoos.

AMSAL 23:5

Nana o hata-hetom, bisa mopok-kasa, ka'da nai hatematak esa mesak-kana, nono'kabai malidak, de ana laa sama leo manupui kaka'ka laa leo lalai neu.

AMSAL 27:24

nanahu su'i-betes-sa, neukose manasapu-manalalok, nakalenak koasa soaneu paleta boeo, neukose ta nahele losa dodoon-na fa.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 11:10

Usi heni o dale manafalahaam-ma, ma susa neme o dalem dale mai, nana o fai muli-solum-ma seli no lai-laik.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

PENGKHOTBAH 12:8

Au afa'da ae, memak basa sila-la manada'di tak, basa-basan palsuma, ma sosoa-ndandaan taa.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 2:8

Au akabubua ala lilofulak ma lilopilas neme mane-manek manai au nusa paletang-ngala bea-nala mai. Manamakamee touk ma manamakamee inak-kala tao lamahoko au daleng-nga nenik sila nakameen-nala. Au sao makahatung-ngala dede'un-na, nandaa no au dale hihiing-nga.

PENGKHOTBAH 5:14

Bongi ita no makaholak; leondiak boe, ita la'oela daebafak ia, no ta teni hata esa boen, neme ita sosota-mamangun lala'en-na mai fa.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

LUKAS 12:26

Metema no ka'da dede'a kome'doana ndia mesa kana boeo, emi ta hapu tao mala fan, tao le'e de emi dale ma falahaa la'eneu dede'a fe'e kala?

LUKAS 12:29

Da'di dale mala boso ba'ihana ma mapangamak la'eneu hata fo neukose emi mi'a ma minu.

1 KORINTUS 7:31

ma hataholi fo ana su'ba ka'da dede'a daebafa ka, ela leo bee na naso'da nono'ka bai dede'ak sila la ta tao lan langa na naleo fa. Nana ta doo ka so'on te, neukose daebafa ka no heheo-hihilun besak ia ala sapu-lalo!

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.

YAKOBIS 5:3

Emi lilopila lilofulam, lulutu ka na'a basas; neukose lulutu na, ana da'di sakasii, fo ana laban seluk emi, fo na'aheni emi ao paa ma, sama leo ha'i a. Emi pe'da madodou hata-heto, nai le'do fai fo sanga basa nana.

1 PETRUS 1:24

Nai Susula Malalaok dale nanasulak nae leo ia, “Basa hataholi daebafa ka lala'ena, sama na leo na'u a, boema lole-napun, sama na leo na'u buna ka. Fo metema na'u a male soona, kono heni buna na;

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.