MAZMUR 39:5 - Susula Malalaok Hehelu Palak Ma Hehelu Beuk

⁵ “Manetualain, mafa'da mae, faihi'da au fai mamateng-nga losa, fo ela au bubuluk, au so'dang-nga, keke'uanak nanseli.”

MAZMUR 39:5 ပူးပေါင်းရင်းမြစ်များ

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

2 SEMUEL 19:34

Tehu, Barzilai nataa nae, “Neukose, atam-ma ta naso'da nala dook-ka so'on. Da'di, sosoak hata, atam-ma tunga no Ama Manek leo Yerusalem neu?

AYUB 7:6

Au so'dang fo ta nanuu namahehenak ndia, ana la'ok leo mate'en-na neu, nalain-na, lena heni hataholi-a, sefe ofan-na.

MAZMUR 144:4

Hataholi daebafak ndia, sama leo ani hahaek esa, sama leo salaok, fo mopok-kana, soona, hataholi daebafak-ka, so'dan-na leondiak.

MAZMUR 39:11

Ho'i-ma O huhukum-ma neme au mai, nana au hihii mate, nanahu O fefepam-ma.

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

MAZMUR 90:12

Fe ami nasanene'dak, fo ami leke malelak ami fai maso'dam fo keke'uanak ia, fo ela ami da'di hataholi manatee-tenok.

PENGKHOTBAH 1:2

Manadudu'a-dodook-ka nafa'da nae, Basa-basan lala'en-na manada'di tak, ma sosoa-ndandaan ta. So'dak ndia palsuma, ma basa-basan sosoa-ndandaan ta.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

YESAYA 40:17

Basa leoinak-kala, sosoa-ndandaan ta, ba'eneun, nono'kabai, hata ta nai matan-na fa.

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.

2 PETRUS 3:8

Tehu tolano-tolanoo ngala lemin! Boso mafandele heni dede'ak esa nde ia nae, tunga Lamatua ka mata memete na soona, faik esa, sama leo teuk lifun esa a'eneu Lamatua ka. Duas matak esa.