MAZMUR 38:6 - Susula Malalaok Hehelu Palak Ma Hehelu Beuk

⁶ Au bisung-ngala nanak mesa-mesan, ma laboo pulu, nanahu au tao nono'kabai, au amanggoa.

MAZMUR 38:6 ပူးပေါင်းရင်းမြစ်များ

AYUB 30:28

Au ada'bak nai makahatuk dale, au apadeik nai lea matan, fo au oke tutulu-fafalik.

AYUB 7:5

Au aopaang-nga, henuk no kalatik, ma daa bubua anak-kala; au loung-nga bisu, de ana faa nanak.

MAZMUR 107:17

Hapu nggelok nggoak-panganaa, ma doi-doso, nanahu sala-singon-nala, boema, nanafepa-li'uk, nanahu sila salan-nala.

MAZMUR 145:14

Manetualain tulu-fali hataholi fo, nai susa dale, ma Ana tao natetu hataholi makatelek-ka langan-na.

MAZMUR 31:10

Ou Manetualain, sue-lai au, nana au ai toto'a-tataak-ka dalek; au matang-nga nake'te, nanahu au kii, au samanen-nga male-tale

MAZMUR 35:14

sama leo au hule-haladoi fe tolanook esa, do tia-laik esa. Au akatele fo, au kii soaneus, nono'kabai, au susa soaneu au ina bonging-nga.

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 42:9

Sa'di leo been-na, Manetualain natu'du susue-lalain nai fai lele'don-na fo ela nai fai le'odaen-na, au hapu akamee, ma hule-haladoi neu Manetualain fo au oemata maso'dang-nga.

MAZMUR 43:2

O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 57:6

Ou Manetualain, matu'du O matua-mademam nai lalai, ma O mandela-masa'am nai daebafak-ka lala'ena.

MAZMUR 6:6

Nana nai bolo mamates-sa dalek, ta lafandele O so'on; ta hapu manakoa-kio O nai hataholi manamatek-ka daebafan-na fa.

MAZMUR 88:9

O fe au hataholi nalelelang-ngala, dook-ka leme au mai, de O tao-ma au, da'di nanamaluak ba'eneus, au nanalongak, de au ta hapu kalua fa.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai