MAZMUR 37:8 - Susula Malalaok Hehelu Palak Ma Hehelu Beuk

⁸ Boso mamanasa, do dalem-ma namahana, te ndia ka'da neni soe.

MAZMUR 37:8 ပူးပေါင်းရင်းမြစ်များ

1RAJA-RAJA 11:22

Boema manek-ka natane nae, “Te taole'e? Ade o to'a-taa nai ia, de nalosa o nau fali leo o nusan-namom muu?” Hadad nataa nae, “Au ta to'a-taa hata esa boen, tehu po'i au fo au la'o.” Boema ana fali leo nusan-namon neu.

AYUB 18:4

O nasam-ma, ka'da tao nahe'di seluk o aoinam. Ade, hu kande o paluum-ma, de daebafak-ka muse namopo laun-na, ma letek-kala, muse keko heok leme mamanan-nala mai do?

AYUB 5:2

Ka'da hataholi nggoak-ka, mesak-kana mate, nana dale he'din-na.

MAZMUR 116:11

Nai au napangamang-nga dalek, au afa'da ae, “Ta hapu hataholi esa boen, fo hapu nananamahelek fa.”

MAZMUR 31:22

Kokoa-kikiok ba'eneu Manetualain! Susue-lalain ba'un-na seli ba'eneu au, nai lelek au nananakahapik ma nanasapu-nak.

MAZMUR 73:15

Leouni'ka, au kokolak ae leondia soona, au ke'di-ndiu o anam-mala bobongin-nala.

AMSAL 14:29

Hataholi manatee-tenok-ka, ta namanasa lai-laik fa; tehu hataholi nggoak-ka, ta hapu nakatataka-na, aoinan-na fa.

AMSAL 16:32

Hataholi fo, ana ta haelai namanasa fa, malole lena heni palani tatibatu esa; hataholi fo, ana paletan-na aoinan-na, malole lena heni hataholi manaloso-na kota.

YUNUS 4:1

Yunus ta nau sipok Manetualain nakeketun; ndia makandondook fa de namanasa.

YUNUS 4:9

Tehu Manetualain nafa'dan nae, “Ta nandaa, o dale he'di leondiak hu ka nde aiana ndia mamaten-na fa!” Boema, Yunus nataa nae, “Tao leo bee de, ta? Ndandaan-na, au amanasa anseli losa mate dei.”

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

EFESUS 4:31

Tao mamopo basa dale he'dik lala'ena, nape'da dale ka ma nasa-melu ka. Hahae nasapala ka, ma dodoki-aali ka. Boso boe mape'da dudu'a-aafi nakamuu-nakadau ka do dudu'a-aafi fe'ek matak leondia ka bai.

KOLOSE 3:8

Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.