MAZMUR 37:7 - Susula Malalaok Hehelu Palak Ma Hehelu Beuk

⁷ Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

MAZMUR 37:7 ပူးပေါင်းရင်းမြစ်များ

ESTER 3:15

Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

AYUB 35:14

Ayub, nakalenak bai, metema o mafa'da, mae o ta mita fan, ma o mae o dede'am-ma, nai matan-na so, de o mahani talu-talu mon!

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

MAZMUR 40:1

Soaneu mauli-malanga nakameek-ka. Dauk kokoa-kikiok.

MAZMUR 50:8

Te hu kande emi tutunu-hohotum fa de Au kalaak emi; emi tutunu-hohotu nanatunum-ma, nai Au matang-nga tataas esa.

MAZMUR 62:1

Soaneu mauli-malanga nakameek-ka. Tunga Yedutun. Dauk kokoa-kikion.

MAZMUR 62:5

Emi ka'da tutu'u enok, fo tao matu'dan neme nangatutuu mademan-na mai. Emi hii ka'da masapepeko-masandandali; emi fe baba'e-papalak menik emi bafam-ma, tehu supa-soo-a nai emi dalem dale.

AMSAL 20:22

Boso balas mangalauk no mangalauk; mamahele neu Manetualain, te neukose Ndia nde tulu-fali.

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

YUNUS 1:11

Ndia te, ani sangu boetai nakadedele, boema ofa isi-la latanen lae, “Ami tao beek fo daenga ani-sangu matuaina ia nakamate?”

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

GALATIA 6:9

Hu ndia de, ita boso pela-malua tao-no'i dede'a malole; nanahu metema ita ta hahae tao-no'i dede'ak sila la fa soona, neu faik esa te, neukose ita ketu-kolu buna-boan.

YOSUA 10:12

Nai faik ndia, fo nai lelek Manetualain fe hataholi Israel-la sengi hataholi Amori-la, Yosua kokolak no Manetualain. Ma Yosua kokolak nai hataholi Israel-la matan nae, “Hai le'do-a nei! Mate'e nai lete Gibeon-na poin-na. Ma o, bulak-ka nei! Boso heok meme Bafak Ayalon-na lain mai.”