MAZMUR 37:35 - Susula Malalaok Hehelu Palak Ma Hehelu Beuk

³⁵ Au ita hai, hataholi mangalauk esa, ana hii kokolak bafa louk; ndia sama leo ai fo doon-na momo'dok, ma okan-na tola demak-ka.

MAZMUR 37:35 ပူးပေါင်းရင်းမြစ်များ

2 SEMUEL 18:14

Yoab nae, “Le'on-na leona! Basa le'do-fai no ka'da tale'a to o.” Boema Yoab ho'in-na tee telu de ana paun neu Absalom fanan-na, fo lelek ndia bei maso'dak, tehu lona-lona nai ai ndanak-ka.

2 SEMUEL 18:15

Basa boema, Yoab solda'dun sanahulu fepa-li'un, de ala taolisan.

ESTER 5:11

Boema, Haman tui fes tutui me'i-afek, ma ana koao nenik su'i-beten, ana toun makadotok, ana hapu nangatutuu madema neme manek-ka mai, ma ndia nangatutuun-na, dema lena hataholi mana'a ngga'di fe'ek-kala.

AYUB 5:3

Au ita hai hataholi nggoak-ka; mete so'dan-na soona, matea-mahelek nanseli. Tehu no kaiboboianak mesak-kana, de au soo-supa mamana leleon-na.

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YESKIAL 31:5

Hu ndia de ana moli, boema dema lena heni basa ai manai mook-ka lala'en-na; ndanan-nala boetai lamaba'uk-ka, ba'en-nala lamanalu, nanahu oe makadotok faa leo huun-na neu.

DANIAL 11:19

Manek nusa kii ndia, neukose ana fali ne'un leo nusan-na kota musun-nala neu, tehu neukose ala sengin, de ta seseik na'den-na so'on.

DANIAL 4:7

Tehu lelek basa hataholi fo ala neuk hata fo neukose ana da'di nai fai manamaik-ka, dukun, hataholi malelak-kala, hataholi malelaina-la, ma basa hataholi malela nduuk sila-la ala mai, de au tuis au me'ing ndia, tehu ta hapu sila esa boen bisa nafa'da mangalele'do sosoa-ndandaan fa.

DANIAL 8:24

Neukose balakain-na seli, tehu ta hu kande be'i-balakai mesan-na fa. Neukose neni momopo-mamatek fo bibii namata'uk matuaina, ma hata fo ana tao-no'in, neukose neni buna-boak. Neukose ana tao namopo-namate hataholi mabe'i-balakai lea-la, ma Manetualain anan-nala.