MAZMUR 37:34 - Susula Malalaok Hehelu Palak Ma Hehelu Beuk

³⁴ Mamahena neu Manetualain, ma tunga paletan-na, soona Ana so'u o, fo o manuu dae ndia; neukose o mita hataholi mangalauk-ka nanatao namopo-namatek.

MAZMUR 37:34 ပူးပေါင်းရင်းမြစ်များ

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

MAZMUR 112:8

Dalen-na natea, ma ana ta bii fa, nana namahele, neukose ana sengi musun-na.

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 25:13

Neukose laso'da no tetu-temak lahele, Upu-anan-nala neukose lanuu dae pusaka.

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

MAZMUR 37:9

Nana hataholi manatao, tatao-nono'i mangalauk-ka, neukose mopok-kana, tehu hataholi fo, namahena neu Manetualain-na, neukose nanuu dae ndia.

MAZMUR 91:8

Metema, o mete leo o boboa-kaisum muu soona, neukose o mita hataholi mangalauk-ka, sipo babalan-na.

MAZMUR 92:12

Au ita au musung-ngala kakalan-na, hataholi manala'ban basa au-a, ma tutu'u eno mangalaun-nala, au amanene basan so.

AMSAL 16:17

Hataholi malole-a, dook-ka neme mangalauk-ka mai; ma hataholi fo ana taoafik neu maso'dan-na eno-dalan-na, nasulu-nahapa aoinan-na.

AMSAL 20:22

Boso balas mangalauk no mangalauk; mamahele neu Manetualain, te neukose Ndia nde tulu-fali.

AMSAL 29:16

Metema, hataholi mangalauk-ka, ana paleta soona, la'olenak-ka, boetai nakadele. Tehu, hataholi dale ndoos-sa, neukose ana hapu loak, nita hataholi mangalauk-ka, nakalulutun-na.

YESAYA 57:13

Metema emi nggasi soona, nemen-na fo, dodoki-dudulak sila-la soi-tefa-la emi! Neukose anin-na fuu namopos, ma mopok-kasa nenik ka'da ani hahaek esa mesan! Tehu, hataholi fo nasulu-nahapa neu Au-a, neukose nanuu nusak ndia, ma ana sene-do'ok neu Au, nai Au Umang.”

MATEOS 24:13

Tehu hataholi fo nakatatakak losa mate'e na, neukose ana hapu so'dak.

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 PETRUS 5:6

Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.