MAZMUR 37:28 - Susula Malalaok Hehelu Palak Ma Hehelu Beuk

²⁸ Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

MAZMUR 37:28 ပူးပေါင်းရင်းမြစ်များ

AYUB 18:19

Ta maanak, ma ta matititi-nonosik fa; ta ela hataholin esa boen, nai nggolo-ta'dun-na fa.

AYUB 27:14

Metema, anan makadotok soona, neukose mates nai natee-natatik dale, ma neukose upun-anan, laso'da nai toto'a-tataak-ka dalek.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

MAZMUR 21:10

Ana mai sama leo ha'i manapila lo'a-lo'ak-ka, fo ana tao namopo-namates. Neukose Manetualain nasa-melun tao namopo-namates, ma hu kande ha'i mana'a maputuk-ka.

MAZMUR 37:25

Neme au muli-solung-nga losa au amalasi so, au beita ita Manetualain la'oela hataholi malole-a fa, do upu-anan da'di hataholi manaloke su'di beek-ka.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

AMSAL 2:22

Tehu hataholi mangalauk, ma masala-masingok-ka, neukose Manetualain tapas leo nusak ndia deak leu, sama leo fe'a heni na'u-a neme dae dale mai.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YESAYA 61:8

Manetualain nafa'da nae, “Au sue-lai ndoos ma matetuk-ka, ma akamuu-akadau tuni-ndenik, boema tatao-nono'i magalauk-ka. Neukose Au bae o ngga'dim-ma, no lilinekak, ma tao hehelu-balataa manaketu basa taak-ka o emi.

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

YOHANIS 15:9

Sama na leo Ama ka sue-lai Au, leondiak boe Au sue-lai emi. Ela leo bee na, emi maso'da mahele da'dileo hataholi fo Au sue-lai kala.

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,