MAZMUR 37:25 - Susula Malalaok Hehelu Palak Ma Hehelu Beuk

²⁵ Neme au muli-solung-nga losa au amalasi so, au beita ita Manetualain la'oela hataholi malole-a fa, do upu-anan da'di hataholi manaloke su'di beek-ka.

MAZMUR 37:25 ပူးပေါင်းရင်းမြစ်များ

KEJADIAN 17:7

Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na.

AYUB 15:23

Manupui nasar-rala, lahani fai mamaten-na, fo ala sanga la'a popolan-na. Boema, name'da nae so'dan-na makahatuk manai fai manamaik-ka.

AYUB 4:7

Dodoo su'dik-kana, ade, susa-soe, beita tuni la'e hai, hataholi sala taak-ka fa do?

MAZMUR 109:10

Nemen-na fo anan-nala da'di hataholi nuu taa-hata tak, boema nanausi henik leme uma nakalulutuk ndia dalek.

MAZMUR 112:2

Neukose, anan-nala lanuu koasa nusak ia, neukose hataholi malole-a tititi-nonosin, nanaba'e-palak.

MAZMUR 25:13

Neukose laso'da no tetu-temak lahele, Upu-anan-nala neukose lanuu dae pusaka.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

MAZMUR 59:15

Nai fai le'donoson-na, ala fali ma'is, ala nggoo sama leo busa, boema ala la'ok okofefeo kota.

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

MAZMUR 71:9

O boso tu'u-tapa heni au, nai au fai lasing-nga dalek, boso la'oela au, metema au be'i-balakaing ta so,

MAZMUR 94:14

Nana, neukose Manetualain ta la'oela anan-nala fa; ma Ana ta tapa heni pusakan-na fa.

AMSAL 13:22

Hataholi malole-a, ana ba'e hata-heton neu upu-anan; tehu hataholi masala-masingok-ka su'i-beten nanape'dak, soaneu hataholi fo, so'dan-na ndoos.

YESAYA 13:16

Neukose lita matan, ni'iana bongi beun-nala nanalulumu-eesek, nakodaa-la bonga uman-nala, ma ala sungu loo saoinan-nala.”

HATAHOLI 21:16

Tolanook de'ubee leme Kaisarea mai boe, de ami basa-basa mala meu leo Manason uman meu, nana ami sanga leo nai uma ndia. Manason ia hataholi Siprus, fo ana tunga Yesus doo ka so.

2 KORINTUS 4:9

Ba'u ka musu lo ami, tehu ta la'iesa fo ami leo mesa ma fa. Ma nasi'a ami nanafepak losa ami tu'u meu, tehu ta mate ami fa.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so