MAZMUR 37:17 - Susula Malalaok Hehelu Palak Ma Hehelu Beuk

¹⁷ Nana neukose, Manetualain helu la'di hataholi mangalauk-ka, koasan-na, tehu nasulu-nahapa hataholi malole-a.

MAZMUR 37:17 ပူးပေါင်းရင်းမြစ်များ

AYUB 38:15

Lele'dok-ka mangale'don-na, nasalaa nanseli, ba'eneu hataholi lamatua taak-ka, ma nakatakas, tao naseti-nalakak.

MAZMUR 10:15

Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

MAZMUR 145:14

Manetualain tulu-fali hataholi fo, nai susa dale, ma Ana tao natetu hataholi makatelek-ka langan-na.

MAZMUR 37:24

Metema-ana tu'da soona, neukose ta nakahina belak fa, nana Manetualain ho'u nahele liman-na.

MAZMUR 41:12

Metema musu-a, ta sengi au fa soona, au bubuluk ae O mook au.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

MAZMUR 63:8

nana O nde manatulu-fali basa au-a; au akamee no namahokok, nai O li'da susuem-ma dalek.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YEREMIA 48:25

Moab be'i-balakaina nanatao naladik so, ma koasa-na nanatao nakalulutuk so. Au, Manetualain nde manakokolak-ka.”

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

SEMUEL SUSULAK-KA ESAN-NA 2:31

Mamanene leona, te neukose fain-na losa Au taoisa basa touana muli-soluk-kala nai o teidale-bobongim-ma o leom dale, nalosa ta hapu toulasik nai o teidale-bobongim dale fa.