MAZMUR 36:2 - Susula Malalaok Hehelu Palak Ma Hehelu Beuk

² Sala-singok-ka, ana kokolak nai hataholi mangauk-ka dalen dale nae, ana tabii-amata'u neu Manetualain makandondook fa.

MAZMUR 36:2 ပူးပေါင်းရင်းမြစ်များ

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 49:18

Nana nai lelek ana mate, ana ta hapu neni hata esa boen, neukose ta latoin sama-sama no hata-heton leo bolok dale neu fa.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 36:24

Leomae Elnatan, Delaya, ma Gemarya dokodoe no namahenak nanseli, fo ela manek-ka boso hotuheni susulak nanalunuk ndia, tehu ana ta nau namanene fas. Leomae manek-ka do basa mauli-malangan fo manamamanene susulak ndia isin-na boeo, ala ta bii do lasasale dale fa.

LUKAS 10:29

Tehu mese agama ndia nau tao namandoo aoina na, hu ndia de natane nae, “See ka nde au nonoo hataholing ndia?”

ROMA 10:3

Ala ta bubuluk eno na tao leo beek fo, Manetualain tao na hataholi daebafa ka tututi-nanaton lo nana, malole falik. Nanahu ala nau tunga sila hihii-nanau mesa nala, te ala ta nau tunga Manetualain natu'du fes eno ka fa.

ROMA 3:9

Naa, metema ita da'di hataholi Yahudi soona, ita malole na lenaheni leoina fe'e kala do? Ta leondiak fa! Au afa'da basa ae, leomae hataholi Yahudi do leoina fe'e kala boeo, hataholi masala-masingok mesa-mesan.

ROMA 7:9

Makahulu na au ta aso'da o agama hoholo-lalanen fa. Tehu lelek fo agama hoholo-lalanen ana da'di boema, sala-singo ka mulai naso'da falik,

ULANGAN 29:19

Metema, emi nggelok mamanene paleta mabelaina ndia soona, ana boso dodoo nai dalen dale, nae neukose ndia ua-nalen malole nahele, leomae napalani tunga ka'da dale hihii-nanau mesan-na. Neukose dede'ak ndia, ana tao namate-namopo emi basa-basam-mala, nau hataholi manatao mangalauk-kala do hataholi manatao malole-la boe.