MAZMUR 35:26 - Susula Malalaok Hehelu Palak Ma Hehelu Beuk

²⁶ Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

MAZMUR 35:26 ပူးပေါင်းရင်းမြစ်များ

AYUB 19:5

Emi dodoo mae, emi malole lena neme au mai; emi mafa'da mae, au toto'a-tatang-nga, nde da'di buti neu au salang-nga.

AYUB 8:22

Hataholi fo, ana ta hii o fa, neukose ana mae, ma name'da aoinan-na nai daeanak, ma neukose, hataholi mangalauk-ka uman-na, nanatao nalutuk losa mopon.”

MAZMUR 109:19

Nemen-na fo, supa-sook ndia, nalu'e-nan sama leo papake-ngganggaok, ma fefeo-nan, sama leo kalikee-a.

MAZMUR 129:5

Nemen-na fo, ba'eneu hataholi fo, ta nahiik Sion fa, ana kala, fo nakadedeak.

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

MAZMUR 35:4

Nemen-na fo, hataholi fo ana nau taonisa au-a, ana kala ma nananakamamaek. Nemen-na fo manalalahalak la'ban au-a, lakadedeak no lapangamak.

MAZMUR 38:16

Tehu au amahena neu O'ou Manetualain, ma O, fo au Manetualaing-nga, nataa au.

MAZMUR 55:12

Nai mamanak lala'ena, hapu nakalulutuk-ka, tuni-ndenik ma ke'di-ndiuk-ka, da'di nai pasak-ka.

MAZMUR 71:13

Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

YESAYA 41:11

Mete leona, te basa hataholi fo lamanasa o-a, neukose ala mae, ma na'den-nala langgenggeo. Hataholi manala'ban o-a, neukose mate-mopon, fo mopon.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

YEREMIA 48:26

Manetualain nafa'da nae, “Tao-ma Moab da'di manamafuk, nanahu ana koao-ndaeao nai Au matang. Neukose ana lololi-oe nai mutan dale ma hataholi-la hika-humen.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”