MAZMUR 34:22 - Susula Malalaok Hehelu Palak Ma Hehelu Beuk

²² Hataholi manatao tatao-nono'i mangalauk-ka, neukose maten nanahu tatao-nono'i mangalaun-na, Hataholi fo, nape'da dale nasak hataholi manatao dede'a malole-a, neukose nanahukuk.

MAZMUR 34:22 ပူးပေါင်းရင်းမြစ်များ

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

2 SEMUEL 4:9

Tehu Dauk nataa nae, “Manetualain, fo maso'dak-ka, fo manasoi-tefa-na au neme soe lala'en-na dalek mai so, Ana bubuluk, nae hata fo au sanga afa'dan ia, memak la'en.

1RAJA-RAJA 1:29

Boema Ama Manek nafa'dan nae, “Memak au helu basa neu o nenik Amak fo Israel Manetualain na na'den-na so, ae o ana manem Salomo nde neukose nggati au da'di manek-ka. Naa, besak ia au helu neu o nenik Manetualain fo maso'dak, fo Ana soi-po'i basa au eme au toto'a-sosotang lala'en-na mai, na'den-na, ae nai faik ia boe, neukose au tao atetu au hehelung neu o a.”

MAZMUR 103:4

Ndia nde, soi-nala o so'dam-ma, neme lates dale mai, de Ana fe o pake ti'ilanga manek-ka, nenik susue-lalaik ma dale kasian.

MAZMUR 130:8

Neukose, Ana soi-po'i ita, neme ita sala-singon lala'ena mai.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 37:12

Hataholi mangalauk-ka, ana tutu'u hata mangalauk soaneu hataholi malole-a, ma ana meten no nakamuu-nakadauk

MAZMUR 37:15

Tehu hataholi mangalauk-ka, neukose tafainan-na, pau seluk-kana, sila kou-koun-na, neukose nanatao nala'dik.

MAZMUR 71:23

Au eking-nga henuk no namahokok, ma au akamee, nakamee kokoa-kikiok ba'eneu O Au aopaa-samaneng, nakamee no namahokok, nana O soi-tefa basa au so.

RATAPAN 3:58

O mai masala'e au dede'ang-nga, ou Manetualain, O soi-tefa-ma au so'dang-nga so.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.