MAZMUR 34:14 - Susula Malalaok Hehelu Palak Ma Hehelu Beuk

¹⁴ Boso kokolak dede'a-kokolak mangalauk, ma boso nau ke'di-ndiuk-ka.

MAZMUR 34:14 ပူးပေါင်းရင်းမြစ်များ

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 120:7

Metema, au kokolak la'eneu mole-dame-a soona, ala nau ka'da latee-latati.

MAZMUR 37:27

La'oela hata fo mangalauk-ka, ma tao hata fo malole-a, soona o tititi-nonosim leo napalasa dae ndia losa dodoon-na.

MAZMUR 39:2

Au dodo ae, “Au nau anea au aoinang-nga, fo ela au ta asala-asingo inik, au maang-nga fa. Au ta nau kokolak nai lelek, hataholi mangalauk-ka bei deka no au.”

AMSAL 13:14

Hataholi manatee-tenok-ka nanolin-na, nono'kabai oemata ua-nalek; metema hapu nasanene'da mahelek soona, nanolik ndia nde soi-tefa.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

AMSAL 4:24

Boso kokolak makandondook hata esa, fo ta ndoos fa. Usi madook kokolak fo masapepeko-masandandalik-ka, ma dede'a-kokolak fo tutu'dan-na, neni matofa-matalak fe hataholi.

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

MATEOS 5:9

Maua-manalek neu hataholi fo nini mole-dame nai hataholi daebafa ka tala'da; nanahu neukose Manetualain sipo kasa da'di Manetualain ana nala!

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

ROMA 12:18

Sanga enok tao leo bee fo maso'da mole-dame mo basa hataholi lala'ena.

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

1 TESALONIKA 4:11

Sanga enok fo maso'da pe'daom, fo boso meu sese'do-babalik nai hataholi fe'ek dede'an dale. Ela leo bee na, emi tunga sanga emi so'da ma, sama na leo makahulu na, ami mafa'da basan neu emi so.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

IBRANI 13:16

Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

1 PETRUS 3:11

Ana muse nadook ao na neme tatao-nono'i mangalau ka mai, ma tao-no'i ka'da tatao-nono'i malole; ela leo bee na, ana sanga enok te'e-te'e, fo ana hapu mole-dame a.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.