MAZMUR 33:3 - Susula Malalaok Hehelu Palak Ma Hehelu Beuk

³ Makamee nakamee beuk, ba'eneu Manetualain, makaminak kacapi matalolole, ma eki no namahokok!

MAZMUR 33:3 ပူးပေါင်းရင်းမြစ်များ

1 TAWARIKH 13:8

tehu Dauk ma basa laun Israel-la lala'en-na foti-longe ma lakamee no namahokok nanseli, lakaminak kecapi, rebana, simbal ma pupuuk soaneu fe ha'da-holomata neu Manetualain.

1 TAWARIKH 15:22

Kenanya nanahelek soaneu nalanga basa manamakaminak sasanu fo leme leo Lewi sila-la nana ndia malelainan-nai nakaminak sasanu dalek.

1 TAWARIKH 25:7

Sila anatoun ka duahulu haan sila-la loo sila tolano ka'a-fa'din nala nde been-na malela ba'u nai nakaminak musik ka. Sila basa-basan lala'en-na hataholi natun dua faluhulu falu.

2TAWARIKH 34:12

Hataholi fo mana tao lahii uma sila-la, te'e-te'e ta manapopo'de-papaik-kala fa. Hataholi Lewi haa lalanga hataholi sila-la fo nde: Yahat ma Obaja fo neme teidale-bobongik Merari mai, boema Zakharia ma Mesulam fo leme teidale-bobongik Kehat-a mai. Basa hataholi Lewi fo lakaminak lalelak musik-kala,

MAZMUR 144:9

Ou Manetualain, neukose au akamee nakamee beuk ba'eneu O, ma au akaminak kecapi no nakameek.

MAZMUR 149:1

Koa-kio Manetualain leona! Makamee nakamee beuk ba'eneu Manetualain, koa-kion nai anan-nala, nakabubuan dale!

MAZMUR 40:3

Ana hela-na au neme bolok soe-a dalek ma neme tane manai puuk dale-a mai. Ana nangatutuuk au neu, pupuku batu lain, nalosa au ei ngganggani-nga matetuk.

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

MAZMUR 96:1

Makamee nakamee beuk ba'eneu Manetualain leona! Makamee ba'eneu Manetualain leona, hai basa daebafak-ka lala'ena lemin!

MAZMUR 98:1

Kokoa-kikiok. Makamee nakamee beuk ba'eneu Manetualain, nanahu tatao-nono'i matua-mademan! No koasa ma be'i-balakain mesak-kana, de Ana hapu sesengik so.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

EFESUS 5:19

Pake dede'a-kokolak neme mazmu ra mai, nakamee kokoa-kikiok, ma nakamee salanik nai emi hala-kokola ma dalek. Ela leo bee na, no dale namahokok, emi makamee kokoa-kikiok neu Lamatua ka.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

NINITAK 14:3

Nai kandela mane ka matan ma mahahae kaha kala boema lasi-lasik manai kandela ndia boboa-kaisun, hataholi lifun natun esa hahuluha sila la lakamee nakamee beuk esa. Ta hapu hataholi esa boen nalelak nakameek ndia fa, ka'da hataholi lifun natun esa hahuluha ila la lalela kana. Hataholi sila nanasoi-tefa basak neme basa laun manai daebafa ka lala'ena mai so.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.