MAZMUR 33:16 - Susula Malalaok Hehelu Palak Ma Hehelu Beuk

¹⁶ Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 33:16 ပူးပေါင်းရင်းမြစ်များ

1RAJA-RAJA 20:10

“Neukose ami manem-ma haitua solda'du makadotok nanseli mai fo ala tao lakalulutuk o kotam-ma, nalosa bei ela afu manai o kotam-ma ta dai ala la'u lenik sila liman-na fa. Ana soo fo ela basa lamatua daebafak-kala hukun ma lena-lenak ala taolisan, metema ana ta tao natetu dede'ak ndia fa!”

1RAJA-RAJA 20:15

Tutika manek-ka hoka basa solda'du muli-solu kala, basa malanga nusak-kala manatungadean-nala. Solda'du la basa-basas natun dua teluhulu dua. Basa boema ana tao leondiak neu solda'du Israel-la. Basa-basan lala'en-na hataholi lifun hitu.

2TAWARIKH 13:8

Besak ia emi maedaenga emi hapu la'ban koasa fo Manetualain fen neu Dauk tititi-nonosin, nanahu emi solda'dum-mala makadotok ma emi manuu sapi lilopilas fo Yerobeam taos da'di emi lamatua daebafam-ma.

2TAWARIKH 20:12

O nde ami Amam Manetualaim-ma! Huku-doki hataholi sila leona, nanahu ami balakaim ta soaneu masasalematak moo solda'du makadotok fo ala nau sapu-la ami. Ami ta bubuluk muse tao beek-ka fa, hu ndia de ami mai moke tutulu-fafalik neu O.”

2TAWARIKH 20:23

Amon ma Moab solda'dun-nala sapu-la Edom solda'dun-nala de ala tao lakalulutuk la'iesa-kasa. Basa boema lasafali mai de esa sese'do lena neu esa.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

AYUB 36:7

Ana taoafik neu hataholi, dale ndoos-sala, Ana tao nalas, ala koasa sama leo manek-kala, nalosa nanafe ha'da-holomata losa dodoon-na.

AYUB 39:11

Ade, o bisa mamahena, balakai matuainan-na, fo o fen naue-nale'di, o ue-le'di mabelam-ma do?

MAZMUR 20:8

Hapu hataholi fo nasalai dean-na neu kaleta musun-nala, ma hapu nggelok lasalai dean-na neu ndalan-na. Tehu ita tasalai ita dean-na neu Amak fo ita Manetualain-na koasan-na.

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

KELUARAN 14:28

Tasi oe-a ana luu ma'in, de ana potin-na kaleta-la, hataholi manasa'ek-kala, ma basa solda'du Masir manausi hataholi Israel-la, de lii-a ba'u nenis leo tasi tala'da leu, nalosa mate la'iesak-kasa.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

HOSEA 10:13

Tehu o ta tao tunga fan. O sele-nggali tatao-nono'i mangalauk-ka, de o ketu-kolu ta ndoos ma matetuk-ka fa. O mu'a basa, o masapepeko-masandandalim buna-boan so.” Manetualain nafa'da seluk nae, “Hai leoina Israel-la lemin, hu kande emi mamahena emi kaleta natee-nata'tim-mala, ma emi solda'du makadotom-mala,

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

AMOS 2:15

Manakou malelak-kala, neukose ta lakatatakak fa, manamalai makamiuk-kala, neukose ta hapu lalai fa, ma manasa'e ndala-la, neukose ta lala deak fa.

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

HAKIM-HAKIM 7:2

Boema, Manetualain nafa'da Gideon nae, “O solda'dum-mala makadotok nanseli. De Au ta nau fes ala sengi hataholi Midian-nala fa, nana mahani te, neukose ala dodoo lae, sila sengi nanahu sila be'i-balakain mesan-nala, nalosa ala ta koa-kio Au fa.

HAKIM-HAKIM 7:4

Boema Manetualain nafa'da seluk Gideon nae, “O ana paletam-mala bei makadotok nanseli. De moos leo lee dale leu. Nai naa, neukose Au se'es soaneu o. Metema, Au afa'da o ae, ‘Hataholi ia, muse neu,’ soona, muse neu. Tehu, metema Au afa'da ae, ‘Hataholi ia, ta bole neu fa,’ soona, ta bole neu fa.”

SEMUEL SUSULAK-KA ESAN-NA 17:4

Boema palani ta'ti batu esa na'de Goliat, neme kota Gat-ta mai, ana kalua neme hataholi Filistin-nala mamana ofun dale mai, de nahee hataholi Israel-la. Deman-na, fafa'kama metel telu,

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.