MAZMUR 33:13 - Susula Malalaok Hehelu Palak Ma Hehelu Beuk

¹³ Manetualain mete leo dae mai, neme nusa so'dak-ka mai, de Ana nita basa hataholi daebafak-ka lala'ena.

MAZMUR 33:13 ပူးပေါင်းရင်းမြစ်များ

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

AYUB 11:11

Manetualain nalelak hataholi fo, ana hii ka'da nasapepeko-nasandandali; nita la'i esak, sila tatao-nono'i mangalaun-na.

AYUB 28:24

nanahu Ndia nita daebafak-ka bu'u-bu'un-nala; nita basa hata lala'en, fo manai lala'i-a dae.

MAZMUR 102:19

Sulak-ma, basa Manetualain tatao-nono'in, soaneu bobongik manamaik-kala, fo ela ngileo-bobongik manamaik-kala, hapu koa-kion.

MAZMUR 11:4

Manetualain nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

MAZMUR 53:2

Hataholi nggoak-ka dodoo nai dalen dale nae, “Ta hapu Manetualain fa.” Sila tatao-nono'in mangalauk, ma ta kandaak fa; ta hapu manatao malole fa.

MAZMUR 66:7

Ana paleta no makadelek losa dodoon-na. Ana maku leoina-kala, fo ela malena langa-masa'ba sook-kala ta hapu koao-ndaeao soaneun fa

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

RATAPAN 3:50

losa O, ou Manetualain nai nusa so'dak-ka, taoafik neu ami.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.