MAZMUR 32:5 - Susula Malalaok Hehelu Palak Ma Hehelu Beuk

⁵ Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

MAZMUR 32:5 ပူးပေါင်းရင်းမြစ်များ

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

2 SEMUEL 24:17

Dauk nita ata nusa so'dak fo manataonisa laun-na ndia, boema nafa'da Manetualain nae, “Au nde asala-asingo, nana au nde tao sala-singok ndia. Tehu leoina manahapu soe ndia, sala beek? Huku au ma au teidaleng-ngala!”

1RAJA-RAJA 8:50

Fe do'o do ampon neu basa sala-singok ma sila nalelesin la'eneu O a, ma tao ma sila musun-nala tao malole neus.

2TAWARIKH 6:29

ela leo been-na O mamanene sila huhule-haladoin. Metema nai O anam Israel dalek, hapu nggelok hule-haladoi neu O no dale he'dik boema ana look liman-na nasale leo O Uman ia mai soona,

EZRA 10:11

Hu ndia de, manaku emi sala-singom neu Manetualain fo ita bei-ba'i kain-nala sene-do'ok-ka, ma tao hata fo, nanda no Manetualain dalen-na. Madook emi aoinam-ma, neme hataholi nusa dea, fo manaleo nai ita nusan-na, ma usiheni basa saoinak maneme nusa dea sila.”

AYUB 31:33

Hataholi fe'ek-ka, nafuni sala-singon, tehu beita la'i esa fo, au tao sama leo sila tataon ndia fa.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

MAZMUR 103:12

Sama leo dulu dodoon-na neme muli mai, Ana tu'u-tapa heni ita sala-singon-nala, dodoon-na leondiak.

MAZMUR 103:3

Ndia nde, fe do'o do ampon neu basa o sala-singom lala'ena, ma Ndia nde tao nalea-hai basa o he'di-laum lala'ena,

MAZMUR 25:16

Mete au, ma sue-lai au, nana au mesa-mesang-nga, ma au doi-doso.

MAZMUR 25:18

Taoafik neu au doi-dosong, ma au toto'a-tataang, ma fe do'o do ampon neu basa au sala-sinong-ngala.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 38:18

Isabai-na, au tu'u u, au ame'da he'dis, nakandondoo henin.

MAZMUR 38:19

Au manaku au sala-singong; au daleng-nga ta tesa-tama no dudu'a-dodoo au salang-nga.

MAZMUR 51:6

Soaneu O, ka'da soaneu O mesam-ma, au asala-asingo, ma au tao hata fo O mafa'da mae mangalauk. Hu ndia de, nandaa O huku au, O naketu-nala'dim, ndoos ma matetuk.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

AMSAL 30:20

Inak fo, ana ta lilineka neu saotoun-na, eno tipu-dain nde ia: Ana sosoa-piao basa soona, na'a-ninu, fo lose bafan-na, fo basa soona nafa'da nae, “Au ta tao hata esa boen!”

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

IMAMAT 5:5

Nai basa tatao-nono'ik sila-la dalek, hataholi masalak-ka, muse manaku salan-na.

MALEAKHI 3:8

Besak ia, Au atane emi: Hataholi daebafak-ka, bole ke'di-ndiu Manetualain do ta? Tao leo bee-o, ta hetu. Tehu emi ke'di-ndiu Au boe. Emi matane mae, ‘Da'di, tao leo bee?’ Au ataa ae, Nai dede'ak, fo fe baba'ek esa neme 10 mai, ma nai fe tunu-hotuk-ka dalek.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

LUKAS 7:47

Te'e-te'e, susue-lalain fo matuainan ndia, natu'du nae sala-singo makadoto nala, nanafe do'o do ampon so! Metema hataholi a nanafe do'o do ampon faa anak soona, neukose susue-lalain faa anak boe.”

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”