MAZMUR 32:10 - Susula Malalaok Hehelu Palak Ma Hehelu Beuk

¹⁰ Hataholi masala-masingok-ka, susa-soe makadotok, tuni-ndeni la'en; tehu hataholi fo, namahena neu Manetualain-na, Manetualain susue-lalain nasulu-nahapa nahelen.

MAZMUR 32:10 ပူးပေါင်းရင်းမြစ်များ

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

MAZMUR 16:4

Nemen-na fo, hataholi manasene-do'ok neu lamatua daebafak-kala, dale he'din-nala, boetai tama lakandoo. Au ta nau fe tutunu-hohotuk, neu lamatua daebafak-kala fa, nakalenak, au ta nau seseik na'den-nala fa.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

MAZMUR 5:12

Sa'di leo been-na, basa hataholi fo, lasulu-lahapa leu O-a, lamahoko-setelee ma eeki-latadale losa dodoon-na. Masulu-mahapa hataholi manasue-lai O-a, fo ela lamahoko hu kande O.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

AMSAL 13:21

Ua-nale poke-pake-a, usi-bulu tataas esa no hataholi masala-masingok-ka tehu hataholi malole-a, ana sipo ua-nale malole tataas esa.

AMSAL 16:20

Taoafik neu hata fo, lanolin neu o, soona neukose o hapu hata fo, malole. Mamahele neu Manetualain, soona neukose o maua-manale.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 57:21

Ta hapu tetu-temak, ba'eneu hataholi masala-masingok-ka fa,” Manetualain nae leondia.

1 TIMOTIUS 6:10

Nana neme dale he'di doi ka mai de, basa tatao-nono'i mangalau mata-mata kala, ala da'di. Hapu hataholi nggelok, ala usi ka'da doi ka de, ala ta nau tunga hataholi Salani ka nanoli nala so'on. Hu ndia de, doidoso ka tao nakalulutuk dale nala.