MAZMUR 31:11 - Susula Malalaok Hehelu Palak Ma Hehelu Beuk

¹¹ Basa au so'dang-nga, nai doidosok-ka dalek, au teung-ngala sapu-lalo, nai hoo-nggu'uk-ka dalek. Au balakaing loe, nanahu au tatao-nono'i mangalaung-nga, lena-lenak au duing-ngala, ala po'o.

MAZMUR 31:11 ပူးပေါင်းရင်းမြစ်များ

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

MAZMUR 38:11

Au bade'eng-nga delengge'be-ngge'be, mopo au be'i-balakaing au matang-nga keluha'buk-ka so.

MAZMUR 64:8

Tehu Manetualain kou, kokou isin-na neus, de nggenge te, lakahina so.

MAZMUR 88:18

Nai fai katemak esa dalek, O nasa-melum sama leo faa, ana okofefeon-na au, nakahapi-na au, neme basa mamanak lala'ena mai.

MAZMUR 88:8

O nasa-melum ne'e au no belak, de O nasa-melum tuni-na au, de au lutu-lutu.

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

MIKHA 7:6

Nana, nai tepo-lelek leo iak-ka nde uma isi-la, esa musu no esa; ana touk-ka nakadadaek aman, ana inak-ka la'ban inan, ma manafeu inak-ka nale'a-napilik no alinan-na.

MATEOS 26:56

Tehu memak muse leondiak, fo ela hata fo nabi la sula kana nai susula Malalaok dale, ana da'di leona.” Basa ndia boema basa ana mana tunga nala lalai la'oelan.

MATEOS 26:74

Boema Petrus mulai soo-supa nae, “Au ta alelak hataholi ndia fa!” No hatematak ndia boe, manu a kokoa.

MARKUS 14:50

Basa Yesus ana manatunga nala lalai la'oelan mesa kana.

ROMA 15:3

Nana Kristus boeo ta dudu'a-dodoo ka'da namahoko na mesa kana fa. Nai Susula Malalaok dale nanasulak nae leoia, “Nakamu-nakadauk fo ala fe O lu'a-lepa kala, ala tu'da mai au lain.”

2 TIMOTIUS 4:16

Nai lelek fo au uni au dede'a nasala'e makasososa nga, hataholi esa ta no au boen; te basa-basas la'oela au mesa-mesa nga; ela leo bee na, Manetualain ta fe hataholi sila la, salak nai dede'ak ia dalek fa!

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.