MAZMUR 30:5 - Susula Malalaok Hehelu Palak Ma Hehelu Beuk

⁵ Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 30:5 ပူးပေါင်းရင်းမြစ်များ

KEJADIAN 32:24

Tehu elan mesak-kana neme ndia. Boema touk esa mai, de naho'uk no Yakob, losa lolebalahaak.

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

MAZMUR 103:9

Ana ta nasapala nakandondoo henin fa, ma ta namanasa losa dodoon-na fa.

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

MAZMUR 145:10

Neukose basa O lima tataam-mala, koa-kio O, ou Manetualain, basa O anam-mala, neukose loke makasi neu O.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

MAZMUR 47:7

Makamee nakamee kokoa-kikiok ba'eneu Manetualain leona, makamee nakamee kokoa-kikiok ba'eneu ita Manen-na!

MAZMUR 59:16

Laleu-lalaak sanga nana'ak, ma ala nggoo, metema ta lakabete fa.

MAZMUR 63:3

Nemen-na, fo au mete O, nai O Umam, fo au ita O be'i-balakaim, ma O matua-mademam.

MAZMUR 97:12

Mamahoko-setelee leona, hai hataholi dale ndoos-sala lemin, nanahu hata fo, Manetualain tao basan so, ma moke makasi neu Manetualain, fo malalao-malalafuk-ka.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 26:20

Hai Au leoinang-ngala lemin, masok leo emi umam dale meu leona, fo kena lelesu-a neu. Ke'ke lalai muu ndia, losa Manetualain nasa-melun tenak.

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.