MAZMUR 30:1 - Susula Malalaok Hehelu Palak Ma Hehelu Beuk

¹ Dauk kokoa-kikion-na. Nakameek soaneu nakatema Manetualain Uman-na.

MAZMUR 30:1 ပူးပေါင်းရင်းမြစ်များ

2 SEMUEL 20:3

Lelek Dauk losa uma manen-na, nai Yerusalem boema, naloo-na ana la'o ela sao makahatu ka sanahulun-na fo lanea uma manek-ka, de ana fes leo lai uma esa dalek, fo manamanea-la laneas. Dauk nakabobois, tehu ana ta sungu nos so'on. Da'di, inak sila-la pasi fe'e lahele, sama leo inafalu losa mate.

2 SEMUEL 24:25

Boema, Dauk napadedeik mei tunu-hotuk, ba'eneu Manetualain nai mamanak ndia, de ana tunu-hotu tutunu-hohotu nanatunuk, boema tutunu-hohotu mole-dame. Manetualain sipok Dauk huhule-haladoin, boema he'di-laus ndia nate'e nai Israel.

2 SEMUEL 5:11

Mane Hiram-ma, neme nusa Tirus-sa mai, ana haitua ndia hataholin-nala, leo Dauk leu, boeo ana haitua ai kaiou Libanon, ma tuka ai, tuka batu boe, fo lapadedeik uma manek-ka.

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

2 SEMUEL 7:2

Boema, manek-ka nafa'da Nabi Natan nae, “Mitak au dei! Au leo nai uma manek fo, taon neme ai kaiou Libanon-na mai, te se'kona, Manetualain Peti Hehelu-balataan, nanape'dak nai ka'da lalaa temak dale mesan!”

1RAJA-RAJA 8:63

Soaneu tutunu-hohotu mole-dame a, Salomo tunu-hotu sapi lifun duahulu dua ma bi'ilopo lifun natun esa duahulu. Leondiak, manek-ka ma basa laun-na lala'en-na tao feta nakatema Manetualain Uman-na.

1 TAWARIKH 21:6

Tehu leo Lewi ma leo Benyamin na, ta nanasulak nai susulak ndia dalek fa. Yoab ta sulak kasa fa nana ana ta hii nakalala'ok manek-ka paletan ndia fa.

MAZMUR 13:4

Mete au, ou au Amang Manetualaing-nga, mataa au huhule-haladoing leona. Matetea-mahehele au be'i-balakaing, ma boso po'ilotak au mate.

MAZMUR 140:8

Amak, fo au Manetualaing-nga, nde bee-na au manasoi-manatefang fo, mabe'i-balakaik, O masulu-mahapa au, nai natee-natatik dale so.

MAZMUR 145:1

Kokoa-kikiok neme Dauk mai. Au nau amatutua-amadedema O, ou au Manetualaing ma au Maneng-nga, ma koa-kio O, losa dodoon-na.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 27:6

Besak ia, au sengi musu manai au boboa-kaisung-nga; boema no eeki-natadalek, au tunu-hotu tutunu-hohotu makasi nai Uman; au nau akamee, ma koa-kio Manetualain.

MAZMUR 28:9

Soi-tefa-ma O anam-mala, ou Manetualain, ba'e-pala O hataholim-mala. Da'di sama leo manfoo esa ba'eneus, ma maneas losa dodoon-na.

MAZMUR 35:19

Boso po'ilotak au nananakamiminak neme hataholi fo manamusu loo au-a no sosoa-taak. Boso po'ilotak au nanaeki-natadalek, neme hataholi fo lakamuu-lakadau au ta no enon-na fa.

MAZMUR 41:11

Ou Manetualain, sue-lai au, tao malea-mahai au leona, fo ela au hapu balas au musu noong-ngala, tatao-nono'i mangalaun-nala.

MAZMUR 66:17

Au aloo bou-bou, fo oke tutulu-fafalik neun, de besak ia, au akamee nakamee kokoa-kikiok ba'eneun.

MAZMUR 79:10

Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

ULANGAN 20:5

Basa soona, basa malanga solda'du matuaina-la, lafa'da dede'ak-kala nde ia, neu emi nae, ‘Ade, nai emi dalek, hapu hataholi, besak-ka nafofo'a uman-na, te ana beita tao feta soaneu nakatema fan do? Metema hapu soona, ana bole fali ne'un. Nana metema, maten nai natee-natatik dale soona, neukose hataholi fe'ek neu leona uman-na.