MAZMUR 28:5 - Susula Malalaok Hehelu Palak Ma Hehelu Beuk

⁵ Ala ta taoafik neu Manetualain tatao-nono'in fa, do hata fo Ana tao-no'ik-ka. Hu ndia de, neukose Ana hukus, ma Ana tao namopo-namates losa dodoon-na.

MAZMUR 28:5 ပူးပေါင်းရင်းမြစ်များ

2 SEMUEL 7:27

Manetualain Fo Manakoasa! Au apalalaniao, fo au uni huhule-haladoik ia neu O, nana O mesam-ma nde mafa'da basa au, mae O tao au upu-anang neme bobongik leo bobongik neu, da'di manek neu leoina ia.

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

MAZMUR 10:5

Hataholi mangalauk-ka, ana hapu buna-boak, nai basa ue-le'din-na dalek; ana ta nalelak, do nalak Manetualain hoholo-lalanen fa ma nakadadaek basa musu noon-nala lala'en-na.

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 8:3

de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

YESAYA 22:11

emi kali lifu nai kota dale, fo lifu palaak-ka oen-na, ana faa leo dalek neu. Tehu emi ta taoafik neu Manetualain, fo Ana tutu'u basa sila-la dook-ka so, ma Ndia nde taon-na basa sila-la, ala da'di.

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

BILANGAN 23:23

Ta hapu mo'do-akidook tola Yakob fa ta hapu manasiula-tongonok fo, napalani nasasalematak no Israel fa. Neukose hataholi nafa'da la'eneu leoina ndia nae, ‘Mitak, manada'di beuk fo Manetualain taon!’

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

ROMA 1:20

Mulai neme Manetualain nakadada'dik daebafa ka, Manetualain ha'da-paliin fo nananita ta ka, fo nde Manetualain heo-hilun, ma koasa matea-mahele na, hataholi daebafa ka hapu bubulu kana tunga basa hata fo nakadada'di kana. Da'di hataholi daebafa ka ta hapu ne'ek soaneu nafa'da nae, ndia ndoos fa.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.