MAZMUR 27:13 - Susula Malalaok Hehelu Palak Ma Hehelu Beuk

¹³ Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 27:13 ပူးပေါင်းရင်းမြစ်များ

AYUB 28:13

Manatee-tenok-ka, ta nai hataholi daebafak-ka tala'da heon fa; ta hapu hataholi bubuluk beli mate'en-na fa.

AYUB 33:30

fo ela Ana hapu soi-tefa-na, hataholi daebafak-ka, ma Ana fen ua-nale malole, nai maso'dan-na dalek.

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 142:6

Au aloo bou-bou neu O, ou Manetualain, O nde, au mamana nasulu-nahapang, Au paluu ka'da O mesam-ma, nai maso'dang ia dalek.

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 52:5

O sue-lai tatao-nono'i mangalauk-ka neme tatao-nono'i malole-a mai, o hii masapepeko-masandandali neme o mafa'da tunga ndoon-na.

MAZMUR 56:13

Neukose au tao atetu au hehelu-balataang neu O, ou Manetualain, ma au tunu-hotu tutunu-hohotu makasi soaneu O.

MAZMUR 56:3

Fai katemak esa dalen-na, au musu noong-nga heheta-aa'i au; ba'uk-ka musu loo au, ou Manetualain Fo Mademaina.

YESAYA 38:11

Au afa'da ae, au ta akanae Manetualain nai daebafak-ka so'on, do au ita hataholi daebafak-ka, nai daebafak ia fa.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YESKIAL 26:20

Boema Au haitua o leo, hataholi manamatek-kala mamananna neu, fo makabubua moo hataholi makahulun eli-la. Au po'ilotak o, mahele meme hataholi manamatek sila-la mamanan-na, fo nai ai-batu manatapasasalak manaketu-basa taak-ka, tala'daheon, ma sama-sama moo hataholi manamatek-kala Soona neukose hataholi ta leo o daem-ma so'on, ma neukose, o ta nanalekek nai hataholi maso'dak-kala dalek so'on.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

EFESUS 2:8

Manetualain sue-lai emi, hu ndia de Ana soi-tefa na emi, nanahu emi mamahele Yesus. Emi so'da-molem ndia, ta neme emi ue-osam buna-boan mai fa, te hu ka nde Manetualain baba'e-babatin. Da'di, ta hapu hataholi esa boen, fo ana koao la'eneu dede'ak ndia fa.