MAZMUR 27:1 - Susula Malalaok Hehelu Palak Ma Hehelu Beuk

¹ Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

MAZMUR 27:1 ပူးပေါင်းရင်းမြစ်များ

AYUB 29:3

Ana fe au, tutulu-fafalik tataas esa, Ana fe mangale'do-na, nangale'do-na au, nai lelek au la'ok nai makahatuk-ka dalek.

MAZMUR 11:1

Soaneu mauli-malanga nakameek. Dauk kokoa-kikiok. Au asulu-ahapa neu Manetualain; sosoa-ndandaan ta, fo emi mafa'da au mae, “Soi-tefa-ma, o aoinam-ma, sama leo manupui-a laa leo letek lain neu.

MAZMUR 118:21

Au koa-kio O, nana O sipok au huhule-haladoing; O fe basa au sesengik so.

MAZMUR 118:6

Au ta bii-amata'u fa, nana Manetualain no au, hataholi daebafak-ka, ta hapu tao hata esa boen soaneu au.

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

MAZMUR 18:29

O de'de mapila au banung-nga; Au Amang Manetualain tao-na au makahatung-nga da'di mangale'dok.

MAZMUR 18:46

Sila palanin-nala, mopon so; ala dele beengge'be de ala kalua leme sila kota musun-na mai.

MAZMUR 19:14

Madook au neme sala-singok fo au taon no nameme'dak, boso po'ilotak sala-singok ndia, ana koasa-na au. Soona au da'di hataholi sala tak, ma au atapo'i eme sala matuaina mai.

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

MAZMUR 43:2

O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 62:2

Au ahani Manetualain, no au samaneng-nga tesa-tama, au so'da-moleng, neme ka'da Ndia mai.

MAZMUR 62:6

Au samaneng-nga nahani Manetualain no nee-nee lino-linok, au so'da-moleng, neme ka'da Ndia mai.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

MATEOS 8:26

Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

LUKAS 2:30

Nana au ita matang Manasoi-tefa fo O madenun mai so

LUKAS 3:6

Basa hataholi manai daebafa ka lala'ena, neukose lita tao leo beek fo Manetualain soi-tefa na hataholi daebafa ka!’ ”

YOHANIS 1:9

Mangale'do matetuk fo nangale'do nala basa hataholi daebafa ka, ana mai leo daebafa ka mai.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

2 KORINTUS 12:9

Tehu Lamatua ka nataa nae, “Au sue-lai o, de ndia dai o so, nana Au koasa nga balakai na lena, metema o nai tapandoe sa dalek.” Da'di au amahoko metema au tapandoe soona, nai lelek ndia nde au ame'da ita Kristus nasulu-nahapa au ninik be'i-balakain.

ULANGAN 7:18

Tehu emi boso bii-mamata'u leoina sila-la; mafandendelek, hata fo emi Manetualaim-ma nafa'da mane Masir-ra no laun-nala lala'en-na.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

NINITAK 7:10

Boema no hala napane'ek, hataholi sila la lalo lae, “Ita so'da-molen ana mai neme ita Aman Manetualain fo nangatuuk nai kandela manek lain, ma neme Bi'ilopo Ana ndia mai!”