MAZMUR 25:4 - Susula Malalaok Hehelu Palak Ma Hehelu Beuk

⁴ Matu'du O hihii-nanaum neu au, ou Manetualain, mafa'da hata fo au muse taon.

MAZMUR 25:4 ပူးပေါင်းရင်းမြစ်များ

1RAJA-RAJA 8:36

sa'di leo been-na, neme nusa so'dak-ka mai, O mamanene sila. Ma fe do'o do ampon neu O ana mala ma sila manen-na sala-singo nala. Manolis tao hata fo ndoos sa. Basa ndia soona, ou Manetualain, makona u'dan leo O nusam ia, nusak fo O fen neu O ana mala soaneu da'di sila nuun losa dodoon-na.

MAZMUR 119:27

Tulu-fali au, fo au alelak matalolole O hoholo-lalanem-mala, neukose au tai-dodoo, O nanolim fo, nanadodoo doak ndia.

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

MAZMUR 27:11

Matu'du au, O hihii-nanaum, ou Manetualain, hela-nole au, leo eno ndoos-sa neu, nana au musung-ngala makadotok nanseli.

MAZMUR 5:1

Soaneu mauli-malanga makameek-ka. Nenik nakaminak kinuk. Dauk kokoa-kikion-na.

MAZMUR 5:8

Tehu, hu kande O susue-lalai matuainam-ma, au bole masok leo O Umam dale u. Au sene-do'ok asale leo O Uma malalao-malalafum-ma neu, ma au sene-do'ok O no manatee-tenok.

MAZMUR 86:11

Ou Manetualain, manoli O hihii-nanaum neu au, fo ela au tungan no lilinekak; taom-ma au fe ha'da-holomata neu O, no dale katematuak.

KELUARAN 33:13

Metema leondiak soona, ela leo been-na mafa'da O dale tutu'um-ma beek, Manetualain, fo ela au hapu alalau-aoono O, ma au andaa o O dalem-ma tataasesa. Boeo mafandendelek mae O hele basa leoina ia da'di O nuum so.”

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”