MAZMUR 25:19 - Susula Malalaok Hehelu Palak Ma Hehelu Beuk

¹⁹ Mitak au musung-ngala, makadotok nanseli; ala lakamuu-lakadau au mangalalau.

MAZMUR 25:19 ပူးပေါင်းရင်းမြစ်များ

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

MAZMUR 11:5

Manetualain fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 140:1

Soaneu mauli-malanga nakameek-ka. Mazmur Dauk.

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

MAZMUR 140:4

Maan-nala sama leo menge malasok-ka, maan-na, ma dede'a-kokolan-nala sama leo menge suluk-ka, lason-na.

MAZMUR 143:3

Au musung-nga, ana usi au, de ana sengi au so, boema, ana tao au leo bui makahatuk dale neu; au da'di sama leo, hataholi manamate dooinak so.

MAZMUR 18:48

Ana fe au sesengik soaneu au musung-nga; leoina-la ana fes lakaluku-lakatele nai au matang-nga,

MAZMUR 27:12

Boso fe au leo au musung-nga nasa-melun dalek neu, fo ana sapu-na au no masapepeko-masandandalik ma no dodoki-aalik.

MAZMUR 27:2

Metema hataholi mangalauk-ka sapu-na au, fo ana nau taonisa au soona, sila nde lakatunu fo ala tu'u leu.

MAZMUR 38:19

Au manaku au sala-singong; au daleng-nga ta tesa-tama no dudu'a-dodoo au salang-nga.

MAZMUR 38:20

Hataholi manamusu loo au-a, makadotok ma balakaik mesa-mesan, ala ta lahiik au so'dang-nga, eno-dalan fa.

MAZMUR 52:2

ndek lelek Doëg fo hataholi Edom-ma mai nafa'da Saul, nae Dauk losa nai Ahimelekh uman so.

MAZMUR 56:2

Sue-lai au, ou Manetualain, nana musu sapu-na au, au musung-ngala tuni-ndeni au nakandondoo henin.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 86:14

Ou Manetualain, hataholi manakoao-ndaeaok-ka fo'a de ana sapu-na au, hataholi ha'da hataholi tak, bubuak esa, nau taolisa au; ala ta taoafik neu O fa.

LUKAS 22:2

Malanga ima mala ma mese agama la bei sanga enok soaneu taolisa Yesus no denge-dengek, nanahu ala bii hataholi makadoto kala.

LUKAS 23:5

Tehu lakaseti lahele seluk lae, “Ana dudungu-papau basa hataholi manai Yudea la lala'ena ninik nanoli na. Makasososa na ana dudungu-papau hataholi la Galilea la, de besak ia ana losa nai ia so boe.”