MAZMUR 25:10 - Susula Malalaok Hehelu Palak Ma Hehelu Beuk

¹⁰ Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

MAZMUR 25:10 ပူးပေါင်းရင်းမြစ်များ

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 24:27

Nae, “Koa-kio Amak, fo au tuang Abraham Manetualain-na. Se'kona Manetualain manalilinekak, ma dalen-na malole neu au tuang Abraham. Ana hela-nole au tutik, leo tolanoo ka'a-fa'din neu.”

KEJADIAN 5:24

Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.

2 SEMUEL 15:20

O leo nai ia, beita dook-ka fa, de masa bole au adenu o fo o tunga maleu-malaak moo au? Au boeo ta bubuluk, neukose au u leo bee u fa. O, ma o tia-laim fo emi leoina esa boe, fali me'um-ma leona, fo sa'di leo been-na, Manetualain sue-lai emi, ma Ana lilineka no emi.”

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 33:4

Basa Manetualain dede'a-kokolan hapu nananamahelek; Ana lilineka nai basa tatao-nono'in-na dalek.

MAZMUR 40:11

Au ta pe'da hala so'da-molek ndia, nai au daleng dale fa, Au tui-benga O tutulu-fafalim, ma O lilinekam tataas esa. Au ta denge-denge nai O anam-mala makaluku-makatelen-na dalek fa, tehu au po'a-benga O susue-lalaim ma O lilinekam.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

MAZMUR 57:3

Au aloo boou-bou neu Manetualain Fo Mademaina, neu Manetualain fo manaho'i nakeketuk saoneu au.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

MAZMUR 91:14

Manetualain nafa'da nae, “Hataholi manasue-lai Au-a, neukose Au soi-tefan, ma manamanaku Au-a, neukose Au asulu-ahapan.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

HATAHOLI 10:35

Hataholi mana fe ha'da-holomata neu Manetualain, ma hataholi mana tao ndo sa, Manetualain sipok hataholi ndia. Ta nafaduli hataholi ndia neme leoina bee ka mai fa.

ROMA 2:13

Nana hataholi a malole falik lo Manetualain, ta hu kande hataholi ndia bubuluk basa agama Yahudi a hoholo-lalanen so, te hu kande ana tao-no'i hata fo nanasulak nai hoholo-lalanek ndia dale ka.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.