MAZMUR 24:4 - Susula Malalaok Hehelu Palak Ma Hehelu Beuk

⁴ Hataholi fo dudu'a-aafin ma tatao-nono'in fo ta nasala fa, ma ana ta soo-supa pepekok, ma ana ta sene-do'ok neu sosongo-tatangok fa.

MAZMUR 24:4 ပူးပေါင်းရင်းမြစ်များ

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 9:30

Ta hapu sabu, fo bisa tao namopo au sala-singong fa!

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

MAZMUR 18:20

Ana soi-po'i au neme soe dale mai ma Ana soi-tefa-nala au nanahu dalen-na nahiik no au.

MAZMUR 25:1

Dauk kokoa-kikion-na. Ou Manetualain, au uni au huhule-haladoing neu O,

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

MAZMUR 73:1

Asaf Kokoa-kikion. Tete'ek-ka, Manetualain malole ba'eneu anan-nala, ba'eneu hataholi fo, dalen-na neuisik.

AMSAL 20:9

Ade, hapu hataholi bisa nafa'da nae, “Au daleng-nga malalaok, nana au atapo'i eme sala-singok-ka mai so do?”

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.

YESKIAL 18:15

Ni'iana ndia, ana ta nau sene-do'ok neu hataholi Israel-la sosongo-tatangon fa, do na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita hataholi fe'ek saoinan fa,

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

HATAHOLI 15:9

Manetualain ta bibinga-baba'e ita to sila fa. Ana tao nalalao-nalalafu hataholi sila la dale nala nana lamahele.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

1 TIMOTIUS 1:10

soaneu mana sosoa-piao kala, touk sao seluk touk, hataholi mana mamanako neok, masapepeko-masandandali kala; mana sakasii pepeko kala, ma su'di see fo, tatao-nono'in ta nandaa no nanoli ndo sa fa.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.