MAZMUR 24:1 - Susula Malalaok Hehelu Palak Ma Hehelu Beuk

¹ Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

MAZMUR 24:1 ပူးပေါင်းရင်းမြစ်များ

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

1 TAWARIKH 29:16

Ou Amak, fo ami Manetualaim-ma, basa hata-heto kabelik ia-la ami tao makabubuas mai ia soaneu mapadedeik uma esa ba'eneu O, fo ela ami hapu fe ha'da-holomata neu O na'dem fo malalao-malalafum-ma. Tehu basa sila-la, ami sipos leme O mesam-ma mai, ma basa sila-la nde been-na O nuum boe.

2TAWARIKH 25:9

Amazia natane nae, Tehu tao leo beek no basa lilofulak fo au fe basan neu sila so? Nabi ndia nataa nae, “Manetualain bisa fe falik Ama Manek lena neme ndia mai!”

AYUB 34:13

Manetualain sipo koasa neme see mai? See kande fe daebafak ia, leo Manetualain neu?

AYUB 41:11

See kande, bisa sapu-nan, fo ta nakahina fa? Nai daebafak ia, ta hapu hataholi napalani tao fan.

AYUB 41:3

Ade, fafa'kama ana dokodoe neu o, fo se'i po'in do? do nakokolaok no o, fo noke dale kasian do?

MAZMUR 50:10

nana basa bana-manu manai nula dale-a nde been-na, Au nuung sila, ma basa bana-manu lifu-lifun manai letelepak-kala.

MAZMUR 50:12

Metema Au amala'a soona, ta paluu Au afa'dan neu emi fa, nana daebafak-ka no oe-isin lala'ena, Au nuung.

MAZMUR 89:11

Rahab, fo buta tasi-a, O fefepa-popokon, ma O tao misan, O sengi O musum-mala nenik O lima mabe'i-balakaim.

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

MAZMUR 98:7

Mangguu leona, hai tasi no basa oe-isin lala'ena, daebafak-ka no basa manaleo manai dalek-kala.

KELUARAN 19:5

Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

1 KORINTUS 10:26

Nana nai Susula Malalaok dale nanasulak nae, “Daebafak ia no oe isin lala'ena nde bee na, Lamatua ka nuun.”

ULANGAN 10:14

Lalai mademaina nde been-na, emi Manetualaim-ma, nuun ndia; daebafak-ka no basa hata lala'en fo, manai daebafak-ka lain boeo, Ndia nuun sila.