MAZMUR 23:5 - Susula Malalaok Hehelu Palak Ma Hehelu Beuk

⁵ O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

MAZMUR 23:5 ပူးပေါင်းရင်းမြစ်များ

AYUB 36:16

Manetualain soi-po'i o neme toto'a-tataak-ka mai, nalosa o hapu mame'da mita mole-dame-a, ma o mei nana'am-ma, henuk no nana'ak-ka.

MAZMUR 104:15

de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

MAZMUR 116:13

Neukose, au ini tutunu-hohotu angol, ba'eneu Manetualain, fo au oke makasi neu tutulu-fafalin.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 22:29

Nana Manetualain nde manakoasa, Ana paleta leoina-la.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

MAZMUR 78:19

Ala la'ban Manetualain, nenik lafa'da lae, “Ade, Manetualainnapalani fe ita ta'a nai moo solokaek-ka do?

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

MAZMUR 92:11

O tao-ma au balakaing-nga, sama leo banteng fuik-ka balakain-na, ma O ba'e-pala au, nenik ua-nale malole.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

MATEOS 6:17

Tehu metema emi oka ao mala soona, malou oe, ma sau langa mala,

LUKAS 7:46

O ta po'a mina neu Au langa nga fa, tehu inak ia po'a basa mina kaboominik neu Au ei nga so.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

1 KORINTUS 10:16

Nai lelek ita tinu angol no toke makasi neu Manetualain, ade ndia ta natu'du nae, ita da'di esa to Kristus nai mamate na dalek fa do? Ma nai lelek ita baba'e loti, fo ita ta'a sama-sama ndia, ade ndia ta natu'du nae, ita da'di esa nai Kristu ao paa na dalek nde ndia fa do?

2 KORINTUS 1:21

Manetualain mesa kana nde tao na ami ma emi tatea-tahele da'di esa to Kristus. Ndia boeo nde hele heheli ita soaneu aoina na.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.