MAZMUR 21:3 - Susula Malalaok Hehelu Palak Ma Hehelu Beuk

³ O tao matetu dale hihii-nanaun so, ma O fen hata fo noken.

MAZMUR 21:3 ပူးပေါင်းရင်းမြစ်များ

2 SEMUEL 12:30

Dauk ho'in-na ti'ilanga manek-ka, neme sila manen-na langan lain mai, de ana paken. Ti'ilanga manek ndia belan-na, fafa'kama kilo teluhulu lima, ma la'en nenik poemata manahiik. Dauk boeo, ho'i neni bua kakalok makadotok nanseli neme kota ndia mai.

2 SEMUEL 2:4

Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

2 SEMUEL 5:3

Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

1 TAWARIKH 20:2

Basa dia boema, Dauk mai de loso nini buas makadotok nanseli nem kota ndia mai Nai buas sila-la dalek, hapu manek Amon na ti'ilanga manen na. Ti'ilanga manek ndia belan na fafa'kama kilo teluhulu haa, ma nanadokik nenik poemata de'ek esa. Dauk ho'i na poemata ndia de ana pasa kana neu ndia ti'ilanga manen na.

2TAWARIKH 6:41

Fo'a besak ia leon, ou Manetualain! Ma sama-sama moo Peti Hehelu-balataak fo ana da'di dulak neme O koasa-ma mai ndia, ela leo been-na O masok leo O Uma ia dalek muu, fo leo nai ialosa dodoon-na. Ba'epala basa O imam-mala tatao-nono'in lala'en-na, ma ela leo been-na O anam lala'en-na laua-lanale nanahu O malole neu sila.

AYUB 41:11

See kande, bisa sapu-nan, fo ta nakahina fa? Nai daebafak ia, ta hapu hataholi napalani tao fan.

MAZMUR 18:18

Ana soi-tefa-nala au neme musu mabe'i-balakaik-ka mai, ma neme hataholi fo ta lahiik lo au fa, nanahu ba'eneu au soona, sila mabe'i-balakaik nanseli.

MAZMUR 20:5

Ela leo been-na, Ana fe o, basa hata lala'en fo o mahiik-kana, ma Ana fe o dale tutu'um lala'ena, leni buna-boak.

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

MAZMUR 59:10

O nde au be'i-balakaing, de au amahena neu O, O da'di au mamana nalaing-nga ou Manetualain.

ROMA 11:35

See ka nde fe hai hata esa neu Lamatua ka nalosa nakaseti Lamatua ka balas ana?”

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

NINITAK 19:12

Mata na sama leo ha'i pila ka, ma Ana pake bulamolik makadotok nai langa na. Na'dek esa nanasulak nai aoina na, fo ka'da ndia mesa kana nde nalelak na'dek ndia.

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.