MAZMUR 20:8 - Susula Malalaok Hehelu Palak Ma Hehelu Beuk

⁸ Hapu hataholi fo nasalai dean-na neu kaleta musun-nala, ma hapu nggelok lasalai dean-na neu ndalan-na. Tehu ita tasalai ita dean-na neu Amak fo ita Manetualain-na koasan-na.

MAZMUR 20:8 ပူးပေါင်းရင်းမြစ်များ

2RAJA-RAJA 19:23

O madenu hataholi neu, fo ana kokolak bafa maloa, nae no o kaleta musu makadotom-mala, o bisa kae-mala lete mademaina-la lai Libanon. O mamatutua-mamadedema o aoinam-ma, mae o lo'o mabuu, ai kaiou mademainan-nala, ma mana'ahiin-nala, boema o tola-mala, lasi manggion-nala selik.

2TAWARIKH 14:10

Boema Asa kalua mai de nasasalematak no Zerah, de duas ito-ato esa-esak mamanan-na nai Bafak Zefata fo deka no Maresa.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

EZRA 8:22

Au ta apalani oke manek-ka, solda'du manasa'e ndalan, fo nasulu-nahapa ami neme musu-a mai, nai ami leleo-lala'om-ma dalek. Nana, au afa'da basa, ae ami Manetualaim-ma, Ana ba'e-pala hataholi see fo, ana sene-do'ok neun, tehu Ana huku hataholi see fo, nape'da dale nasak-kana, ma ta lilineka neu fan.

MAZMUR 124:8

Ita tutulu-fafalin, ana mai neme Manetualain fo, manamakadada'dik lalai no daebafak-ka.

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

MAZMUR 33:16

Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 33:17

Ndala nde been-na, namahehena manada'di tak soaneu ana sengi, be'i-balakai matuaina, ta hapu neni maso'dak fa.

AMSAL 21:31

Leomae, sadia ndala musu soaneu natee-natatik-ka boeo, manamaketu sesengik-ka nde been-na, Manetualain dei.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”

MIKHA 7:8

Ta hapu ne'ek ba'eneu ita musun-nala, soaneu lamahoko neu ita nakalulutun-na fa. Nana leomae ita tu'da boe, tehu neukose ita fo'a seluk. Besak ia, ita nai makahatuk dale, tehu neukose Manetualain nangale'do-na ita.

YOSUA 11:4

Boema manek sila-la mai loo basa solda'dun-nala, makadotok nanseli sama leo solokaek manai tasi su'un-na. Ndala ma kaleta musun-nala boeo, makadotok nanseli.

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.

SEMUEL SUSULAK-KA ESAN-NA 17:45

Tehu Dauk nataa nae, “O mai la'ban au nenik tafaina, tee ma dongi, tehu au mai la'ban o nenik Manetualain Fo Manakoasa, fo solda'du Israel-la Manetualain, fo o makamumulu-makamamaek-kana ndia, na'den-na.