MAZMUR 20:7 - Susula Malalaok Hehelu Palak Ma Hehelu Beuk

⁷ Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

MAZMUR 20:7 ပူးပေါင်းရင်းမြစ်များ

2 SEMUEL 10:18

Tehu hataholi Israel-la, sengi solda'du Siria-la. Dauk no solda'dun-nala, taolisa hataholi manaho'u kaleta musu, natun hitu, ma solda'du manasa'e ndala, lifun haahulu; fe'ek neme ndia mai, Sobakh, fo musu-a malanga solda'du matuainan-na boeo, nakahina belak, nalosa maten neme natee-natatik dale.

2 SEMUEL 8:4

Dauk foo neni solda'du manasa'e ndalan lifun esa natun hitu, ma solda'du manala'o eik, lifun duahulu. Ana ke'di ketu basa ndala-la, ei pipiin-nala, tehu ana ela ka'da ndala natun esa, fo ala hela nggalobak musu-la.

2TAWARIKH 13:16

nalosa lalai. Manetualain fe hataholi Yehuda-la sengis.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

AYUB 39:11

Ade, o bisa mamahena, balakai matuainan-na, fo o fen naue-nale'di, o ue-le'di mabelam-ma do?

MAZMUR 28:8

Manetualain fe be'i-balakaik neu anan-nala, Ana nasala'e ma soi-tefa manek fo Ana helek-ka.

MAZMUR 45:17

O, fo au maneng-nga, neukose o hapu anatouk makadotok, fo langatuu o bei-ba'i kaim-mala kandela manen-na. Neukose o taos da'di manakoasa neu daebafak-ka lala'ena.

AMSAL 21:31

Leomae, sadia ndala musu soaneu natee-natatik-ka boeo, manamaketu sesengik-ka nde been-na, Manetualain dei.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YEREMIA 17:5

Manetualain nafa'da nae, “Metema hataholi la'o ela Au, fo ndia Manetualain-na, fo namahena neu ka'da hataholi daebafak-ka boema nasalai dean-na neu ka'da be'i-balakain soona, neukose Au huku.

SEMUEL SUSULAK-KA ESAN-NA 13:5

Ndia te, hataholi Filistin-nala boeo lakabubua basa fo sapu-la hataholi Israel-la; sila solda'dun manasa'e kaleta lifun teluhulu solda'du manasa'e ndala lifun nee, ma solda'du-anak de'u solokaek manai tasi su'un-na. Ala ofu nai Mikhmas, fo nai Bet-Awen boboan dulu.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”