MAZMUR 19:7 - Susula Malalaok Hehelu Palak Ma Hehelu Beuk

⁷ Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

MAZMUR 19:7 ပူးပေါင်းရင်းမြစ်များ

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

AYUB 23:12

Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

MAZMUR 111:7

Manetualain ndoos ma matetuk, ma manalilinekak, nai tatao-nono'in lala'ena dalek, ma paletan lala'ena, hapu nananamahelek.

MAZMUR 119:105

O dede'a-kokolam nde bee-na, banuk ba'eneu au ei nggangganing-nga, ma mangale'dok, fo ana tao mangale'do au enong-nga.

MAZMUR 119:111

O paletam-ma nde bee-na, au pusakang losa dodoon-na, fo ana tao namahoko au daleng-nga.

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

MAZMUR 119:14

Au amahoko tunga O paletam-mala, sama leo, au anuu basa hata mata-matak lala'ena.

MAZMUR 119:152

Neme makahulun eli mai-a, au bubuluk O nanolim-mala, nae O maketun losa dodoon-na.

MAZMUR 119:24

O nakanenetem-mala, da'di au manamanoli-mafa'dang, fo nandaa no au daleng-nga.

MAZMUR 119:72

Ba'eneu au soona, O hoholo-lalanem belin-na, lena heni basa lilopilas ma lilofulak manai daebafak-ka.

MAZMUR 119:9

Hataholi muli-soluk-ka, nanea so'dan-na, fo bu'u-ba'en ta, metema naso'da tunga O paletam-ma.

MAZMUR 18:30

O fe au be'i-balakaik soaneu tao akalulutuk musu-a; no au Manetualaing-nga tutulu-fafalin de au hona abuu, sila kota musun-na.

MAZMUR 23:3

Ana fe au be'i-balakai beuk, ma Ana hela-nole au leo eno ndoos-sa neu, nandaa no hala hehelun-na.

MAZMUR 93:5

Manetualain, O hoholo-lalanem manaketu-basa tak neme doon losa dodo-na, O Umam-ma malalao-malalafuk, losa dodoon-na.

AMSAL 1:4

Nanoli hataholi dudu'a-aafi taak-ka, nalosa nanuu dudu'a-aafi matane, ma nanoli hataholi muli-soluk-ka, fo ana da'di hataholi malelak, ma ana bisa dudu'a-dodoo sama leo hataholi touinak-ka.

YESAYA 8:16

Au ana sakolang emi, de emi muse pe'da ma makaboboi hala heheluk fo Manetualain fen neu au-a.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

HATAHOLI 10:43

Basa nabi la kokolak la'eneun. Lafa'da lae, basa hataholi fo lamahele neu Yesu sa, neukose sala-singon hapu do'o do ampon ninik Yesus koasa na.”

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

ROMA 3:2

Tao leo beeo, sosoa-ndandaan ba'uk-ka! Makasososa na, hu ka nde Manetualain fe dede'a-kokolan neu hataholi Yahudi la.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YOSUA 1:8

O muse lees fe Au anang-ngala susula hoholo-lalanek ndia tataas esa. Manoli susulak ndia isi-liin lele'do-le'odaen, fo ela basa hata fo nanasulak nai dalek, o makalala'ok-kana tataas esa. Metema o tao basa sila-la soona, neukose o so'dam-ma tetu-temak, ma o ue-le'dim, neni buna-boak.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.