MAZMUR 18:8 - Susula Malalaok Hehelu Palak Ma Hehelu Beuk

⁸ Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

MAZMUR 18:8 ပူးပေါင်းရင်းမြစ်များ

KEJADIAN 19:28

Ana mete leo Sodom ma Gomora neu, ma leo basa bafak ndia lala'en-na neu, de nita ha'imasuk-ka masu-masu, neme kota ndia mai, sama leo ha'imasuk-ka neme la'o matuaina dale mai.

AYUB 41:19

Ha'i-a nasapipiti neme bafan dale mai; ha'i masapipitik-ka, nasalolo'de leo mamanak lala'en-na neu.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

MAZMUR 21:9

Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 74:1

Asaf nakamee nanoli nafa'da. Ou Manetualain, O la'oela ami losa dodoon-na do? Tao le'e de, O mamanasa makandoo O anam-mala?

YESAYA 24:18

Hataholi fo, nalai neme tasibu-a mai, neukose ana tu'da leo meo besik dale neu, ma hataholi fo nala meo besik-ka deak, neukose hihi'ik-ka nalan. Neukose u'daina, ana po'a neme lalai mai, ma daebafak-ka buin-na nanggengo.

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

IMAMAT 10:2

Boema Manetualain nakona ha'i-a mai, de ana hotu nisas nai Manetualain Lalaa Teman dale.

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

BILANGAN 11:1

Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

NINITAK 11:5

Metema hataholi so'ba tao hata esa ta malole neu duas soona, ha'i kalua neme bafa nala mai fo ana tao namate-mopo musu nala. No enok leondia ka, basa hataholi fo ala nau tao lahe'dis neukose nanataonisak.