MAZMUR 18:44 - Susula Malalaok Hehelu Palak Ma Hehelu Beuk

⁴⁴ O soi-po'i au neme teidalek malelesik-kala mai, ma O tao au da'di manakoasa neu leoina-la; leoina fo au ta alelak-kana fa, ana da'di au atang.

MAZMUR 18:44 ပူးပေါင်းရင်းမြစ်များ

2 SEMUEL 1:13

Basa boema, Dauk natane ta'eanak maneni halak ndia nae, “O momoli-dada'dim neme bee mai?” Boema nataa nae, “Atam ia, hataholi Amalek, hataholi maleu-malaak esa nai au Ama Maneng-nga nusan-na.”

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 68:30

Mane-manek-kala lini tunu-hotuk fe O nai O Umam manai Yerusalem-ma.

MAZMUR 81:15

soona no hatematak ndia boe, Au tao-ala sila musun-na, nakatele, ma Au sengi basa sila musu noon-nala.

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”